Покровскай 345 сылын көрсө
Покровскай 345 сылын көрсө Покровскайбытын төһө билэбитий — уулуссаларын, переулоктарын, куоракка киирэр аартыктар ааннарын? 2022 сыл туругунан Петр Павлович ахтыбытынан, манна 103 уулусса, 7 переулок, куоракка киирэргэ 8 аартык аана баар эбит, сүрүн уулуссаларбыт ааттарын син бары билэбит – Орджоникидзе (саамай уһун, 5700 м) уонна Ини-бии Ксенофонтовтар ааттарын сүгэллэри. Чинчийии үлэтин оччотооҕуга ыччат дьыалаларыгар миниистиринэн үлэлээбит, билигин Ил Түмэн бэрэссэдээтэлин солбуйааччы биир дойдулаахпыт Афанасий Владимиров көҕүлээһининэн Покровскайдааҕы 2 №-дээх орто оскуола үөрэнээччилэрэ ыыппыттар, өссө кинилэр “По улицам родного Покровска” диэн брошюраны бэчээттэтэн таһаарбыттар. Онтон бу үөһээ ахтыбыт кинигэбитин бибилэтиэкэ үлэһиттэрэ Маргарита Семенова уонна Тамара Свинобоева бэлэмнээн күн сирин көрдөрбүттэрэ. Улахан үлэни ыыппыттар, ханнык уулусса хаһан, ким-туох аатынан ааттаммытын, онно сорохторун дьиэлэригэр баар мемориальнай билиитэлэр тугу кэпсииллэрин түмэргэ. Подробнее: https://ханаласгазета.рф/79293-2/ Людмила Аммосова, “Покровск в названиях улиц” кинигэтиттэн анаарыытынан. (Салгыыта тахсыаҕа). @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas