СВЯТИТЕЛЮ ИОАСАФУ (СКРИПИЦЫНУ), МИТРОПОЛИТУ МОСКОВСКОМУ
СВЯТИТЕЛЮ ИОАСАФУ (СКРИПИЦЫНУ), МИТРОПОЛИТУ МОСКОВСКОМУ Тропарь, глас 5: Первосвятителя Церкве Русския благонравна, / и инока обители Сергиевы преизрядна, / поношения и изгнание смиренно претерпевша, / от паствы своея неправедно удалена / и во уединении богоугодно поживша, / святителя Иоасафа премудраго восхвалим, / той бо со святители Московскими и святыми Радонежския земли / Престолу Святыя Троицы во славе предстоит, // моляся о спасении душ наших. Кондак, глас 3: Церкве Русския архипастырю богоизбранный, / благочестия учителю, истины поборниче, / святителю отче Иоасафе, / течение многоскорбное скончавый и веру непорочну соблюдый, / яко имеяй дерзновение в честнем преставлении твоем, / принеси Богу теплое моление // о спасении душ наших.