Тропарь, глас 4
Тропарь, глас 4 Му́ченик Твой, Го́споди, Луппе /во страда́нии свое́м вене́ц прия́т нетле́нный от Тебе́, Бо́га на́шего, /име́яй бо кре́пость Твою́, /мучи́телей низложи́, /сокруши́ и де́монов немощны́я де́рзости. /Того́ моли́твами //спаси́ ду́ши на́ша. Кондак, глас 2 Звезда́ све́тлая яви́лся еси́, /непреле́стная ми́рови, /Со́лнца Христа́ возвеща́ющи, /заря́ми Твои́ми, страстоте́рпче Луппе, /и пре́лесть погаси́л еси́ всю, /нам же подае́ши свет, //моля́ся непреста́нно о всех нас. Величание Велича́ем тя, /страстоте́рпче святы́й Лу́ппе, /и чтим честна́я страда́ния твоя́, /я́же за Христа́ //претерпе́л еси́.
104 просмотров