📢❗️напоминаем также, что завтра память святителя Афанасия (Сахарова), исповедника, епи...
📢❗️напоминаем также, что завтра память святителя Афанасия (Сахарова), исповедника, епископа Ковровского, нашего замечательного литургиста, гимнографа, автора службы всем русским святым, блестящего знатока устава. Епископ Афанасий из 33 лет своего святительства более 25 лет провёл в лагерях и ссылках. Празднование святому у нас совершается в рамках Собора новомучеников и исповедников Церкви Русской в феврале, но к частице его мощей с молитвой и благоговением можно приложиться завтра, в день его преставления: О, многострада́льне и благоглаго́ливе святи́телю и испове́дниче Христо́в Афана́сие, па́стырю до́брый па́житей Це́ркве Ру́сския, Правосла́вия ревни́телю, покая́ния пропове́дниче, моли́твы сто́лпе, любве́ неиссяка́емый исто́чниче, цевни́це богодухнове́нная! Ты, земле́ю дре́внею и свято́ю воспи́танный, измла́да сосу́д избра́нный Бо́гу яви́лся еси́, ре́вностно служа́ Ему́ словесы́ и де́лы, моли́твою те́плою, посто́м неосла́бным, ми́лостынею нелицеме́рною. Слу́жбе Бо́жией зело́ прилежа́, тала́нт песнотво́рчества усе́рдно умно́жил еси́ и мно́гими духоно́сными пе́нии Це́рковь Ру́сскую украси́л еси́, наипа́че же потруди́лся еси́ в прославле́нии святы́х земли́ Ру́сския, и́хже пред кончи́ною ку́пно с Го́сподом зре́ти сподо́бился еси́. И́стины ра́ди и кро́тости и пра́вды досто́йно помаза́ тя во святи́тели Влади́мирския благода́ть Свята́го Ду́ха, е́юже просвеще́н, пропове́дал еси́ Правосла́вия преда́ния неукло́нно посреде́ безбо́жных гони́телей. А́ще и в заточе́ниих, изгна́ниих и го́рьких рабо́тах три́десять лет про́был еси́, поноше́ния, озлобле́ния и ра́ны за Христа́ сла́дце претерпевая́, ты, свяще́нное испове́дание я́ко забра́ло восприи́м, богоху́льныя дерзнове́нно обличи́л еси́ и безпло́тныя враги́ посрами́л еси́, па́ству свою́ де́лы па́че слов поуча́я, я́ко Богу подоба́ет повинова́тися па́че челове́к. Те́мже блаже́нства изгна́нных пра́вды ра́ди сподо́бився и Престо́лу Небе́сному предстоя́, моли́ Всеблага́го Бо́га на́шего, да утверди́т Це́рковь Ру́сскую, ея́ па́стыри непозы́блемы в и́стинах ве́ры от е́ресей и раско́лов, да пребу́дут ча́да ея́ тве́рды во испове́дании свята́го Правосла́вия, претерпева́юще вся напа́сти вре́мени, прославля́юще еди́ным се́рдцем и еди́ными усты́ ди́внаго во святы́х Свои́х Бо́га, Отца́ и Сы́на и Свята́го Ду́ха, во ве́ки веко́в. Ами́нь.