Буян зориулах хийгээд Ерөөл тавихын гайхамшиг 🙏
Буян зориулах хийгээд Ерөөл тавихын гайхамшиг 🙏 Бурханы шашинд ном хурах, мандал өргөх, өглөг өгөх зэргээр бүтээсэн сайн үйл болгон хураасан буянаа заавал араас нь хамаг амьтны тусын тулд "зориулж" ерөөл тавьдаг нарийн ёстой.Үүний гүн утга нь ердөө л ганц дусал усыг далайд хийвэл тэрхүү далайг ширгэж дуустал хэзээ ч ууршиж алга болдоггүйтэй адил юм. Өөрийн хийсэн жижигхэн ч хамаагүй буяныг зөвхөн өөртөө нааж харамлалгүй, эх болсон хамаг амьтны сайн сайхны төлөө зориулан ерөөхөд тэрхүү буян тань хэзээ ч барагдашгүй их далай мэт арвиждаг байна.Түүнчлэн, ерөөл тавьж хадгалаагүй буян нь хүний хоромхон зуурын уур бухимдал, омог бардам сэтгэлд маш амархан шатаж үгүй болдог аюултай. Тиймээс буян хураах нь эрдэнэс олж буй хэрэг бол, ерөөл тавих нь тэрхүү эрдэнэсээ найдвартай газар хадгалж буй хэрэг юм.