Ил Түмэн депутатыгар "Биир ньыгыл Россия" партиятыттан кандидат Николай Долгунов Үөһээ ...
Ил Түмэн депутатыгар "Биир ньыгыл Россия" партиятыттан кандидат Николай Долгунов Үөһээ Бүлүүтээҕи өрөспүүбүлүкэтээҕи лицей-интернат учууталларын, үлэһиттэрин кытта көрүстэ. Лицей-интернат олохтонуутугар тирэх буолбут Үөһээ Бүлүүтээҕи физмат гимназия Николай Николаевич үөрэммит, куорсун анньыммыт, олоххо суолун булбут оскуолата буоларын бэлиэтээн эттэ. Көрсүһүүгэ оччотооҕу педагогическай коллективы, үөрэммит кэмин ахтан-санаан ааста. "8-с кылааска Боотулууга үөрэнэ сырыттахпына, ийэм: 'Үөһээ Бүлүүгэ гимназияҕа туттарсыаххын баҕарбаккын дуо?' – диэн ыйыппытыгар мин дьиэбиттэн барыахпын баҕарбакка аккаастаабытым. Онтон кэлин ийэм: 'Үөһээ Бүлүүгэ саҥа гимназия дьиэтэ тутуллар үһү, бассейнаах буолар үһү', – диэн ымсыырдан гимназияҕа Боотулууттан үөрэнэ киирбитим. Ол эрээри оскуоланы бүтэрбитим кэннэ биирдэ бу билигин көрсөн олорор дьиэбит тутуллан үлэҕэ киирбитэ. Оскуолабын бүтэрэн бара саӈа дьиэ тутуллубутун кэннэ кэлэн көрбүтүм, бырайыакка бассейн диэн былааннаммыт сиргэ барыта сибэкки клумбата буолбут этэ. Оччолорго бассейны тутууга инфрастуруктура суох уонна элбэх ороскуоттаах буолан бырайыак уларыйбыт этэ. Ол да буоллар, бассейнаах диэн бырайыагы оҥорбут киһиэхэ махтана саныыбын. Бассейнаах оскуолаҕа үөрэнэр баҕаттан мин гимназияҕа үөрэнэ киирбитим уонна үрдүк таһымнаах үөрэҕи ылан Москваҕа үөрэнэ барбытым" , – диэн хайдах гимназияҕа киирбитин туһунан кэпсээтэ. Николай Николаевич лицей-интернат коллективыгар кэлэр көлүөнэни иитиигэ күннэтэ сүҥкэн кылааты киллэрэр тутаах дьоҥҥо дириҥ махтал тылларын эттэ. "Дойду сайдыыта, учуутал сайдыытыттан тутулуктаах", - диэн бэлиэтээтэ. Лицей-интернат учууталлара маннык дьоһун выпускниктаахтарыттан киэн тутталларын уонна буолаары турар быыбарга толору өйүүллэрин биллэрдилэр. Лицей-интернат история учуутала, история наукатын доктора Никита Деевич Архипов Николай Николаевичка төрдүн-ууһун үөрэппит төрүтчүтүн туттарда. Көрсүһүү кэннэ Николай Николаевич лицей-интернат историятын кэпсиир түмэли, 2019 сыллаахха Ил Дархан Айсен Сергеевич өйбүлүнэн тутуллубут үөрэнээччилэр олорор уопсай дьиэни, оҕолор олорор усулуобуйаларын көрдө. #ЕдинаяРоссия #НиколайДолгунов #БиһигиКүүспүтТүмсүүгэ max.ru/channel_VNikolaev