"Биир ньыгыл Россия" партияттан Ил Түмэҥҥэ Үөһээ Бүлүү уонна Горнай улуустарыттан депут...
"Биир ньыгыл Россия" партияттан Ил Түмэҥҥэ Үөһээ Бүлүү уонна Горнай улуустарыттан депутатка кандидат Николай Николаевич Долгунов бүгүҥҥү көрсүһүүтүн Оҥхой нэһилиэгиттэн саҕалаата. Оҥхой нэһилиэгин олохтоохторуттан сүрүн киирбит ыйытыы оскуола тутуута уонна газ киириитэ буолла. Оҥхой оскуолата хаарбах туруктаах буолан былырыыҥҥыттан култуура уонна спорт киинин дьиэтигэр киирэн үлэлии турар. Оскуола үлэтин-хамнаһын Николай Николаевич киирэн көрөн билистэ уонна Оҥхойго оскуола тутуута биир тыын кыһалҕа буоларын бэлиэтээтэ. Бу ыйытыыга өрөспүүбүлүкэ таһымыгар ыкса үлэлэһиэххэ наада диэн эттэ. Билигин урукку оскуола хаарбах туруктаах диэн бигэргэнэн саҥа оскуоланы тутуу өрөспүүбүлүкэ уочаратыгар турар. Маны тэҥэ, Бүлүү өрүс хаҥас кытылын гаазтааһын бырайыагар Оҥхой нэһилиэгэ газ магистральнай турбатын маршрутугар киирбэт буолан, бырайыакка киирбэккэ хаалбыта нэһилиэк олохтоохторун долгутар. Николай Долгунов бу ыйытыыга: "Үөһээ Бүлүү улууһун өрүс уҥуоргу бары нэһилиэктэрэ гаазтанар түгэнигэр биир эрэ нэһилиэк, Оҥхой, арыыланан хаалыа суохтаах. Хайаан даҕаны бырайыакка Оҥхой нэһилиэгин гаазтааһынын киллэрэргэ үлэлэһиэм. Улуус салалтата бу хайысхаҕа үлэлии сылдьар, элбэх мунньахтарга кыттар. Мин эмиэ депутакка кандидат эрэ быһыытынан буолбакка, баан үлэһитин уонна Үөһээ Бүлүү улууһун киһитэ буоларым быһыытынан киирсэммин туруорсуом", - диэн тоһоҕолоон эттэ. Көрсүһүүгэ кэлбит Оҥхой нэһилиэгин олохтоохторо Николай Долгунов быыбар иннинээҕи бырагыраамматын билсэн, олус сэргээтилэр уонна хайҕаатылар. Салҕыы Мэйик нэһилиэгэр айаҥҥа туруннубут. #БиһигиКүүспүтТүмсүүгэ #ЕдинаяРоссия #НиколайДолгунов #Оӈхой max.ru/channel_VNikolaev