Николай Долгунов Дүллүкү нэһилиэгин олохтоохторун кытта көрүстэ.
Николай Долгунов Дүллүкү нэһилиэгин олохтоохторун кытта көрүстэ. Николай Николаевич Дүллүкү олохтоохторун кытта көрсүһүүгэ бэйэтин быыбар иннинээҕи бырагыраамматын иһитиннэрдэ уонна бэйэтин билиһиннэрдэ. Ол курдук, оҕо сааһыттан, Үөһээ Бүлүүтээҕи физмат гимназияҕа үөрэммит кэмиттэн, саҕалаан билиҥҥи үлэтигэр диэри сиһилии, аһаҕастык кэпсээтэ. Оҕо сааһын кэмиттэн кылгастык сырдаттахха, Николай Николаевич 5 оҕолоох Долгуновтар дьиэ кэргэнигэр күн сирин көрбүт. Аҕата эрдэ күн сириттэн туораан, ийэтэ соҕотох биэс оҕону атахтарыгар туруоран, үөрэхтээх дьон гына улаатыннарбыт. Физмат гимназияҕа Михаил Алексеев, Василий Долгунов курдук норуот учууталлар хомуйбут күүстээх педагогическай хамаандатыгар үөрэммититтэн киэн туттарын бэлиэтээтэ. "Эбиэт иннинэ 6 уруок, эбиэт кэннэ 4 уруок, ону таһынан элбэх дьиэҕэ үлэ биэрэн оччотооҕу гимназияҕа олус ирдэбиллээх үөрэх этэ," - диэн оскуола кэмин аҕынна. Боотулу нэһилиэгиттэн гимназияҕа киирэн үөрэнэн, салгыы гимназияны бүтэрэн Москва курдук дойдубут киинигэр үөрэххэ туттарсан киирэн, үрдүк банковскай үөрэҕи ылан баан эйгэтин үлэһитэ буолбут. Бэлиэтээн эттэххэ, билигин Николай Николаевич Саха Сирин соҕотох баанын "Алмазэргиэнбанк" салайааччыта буолар. "Алмазэргиэнбанк" үгүс Саха Сирин урбаанньыттарыгар кредитынан көмө буолар. Араас өрөспүүбүлүкэ таһымнаах бизнестар "Алмазэргиэнбанк" көмөтүнэн үүнэр-сайдар. Ол иһигэр Сургуулук нэһилиэгин оскуолатын тутууга эмиэ кэмигэр "Алмазэргиэнбанк" үп биэрэн оскуола тутуута түмүктэммитин биһиги билэбит. Оскуоланы тутуу инвестор үбүнэн саҕаламмыта, инвесторы "Алмазэргиэнбанк" кэмигэр үбүлээн, кредит биэрэн, саҥа баараҕай оскуола тутуллубута. Билигин Николай Николаевич экэниэмикэҕэ, үпкэ уопуттаах киһи быһыытынан өрөспүүбүлүкэҕэ эргийэр бырамыысылыннастан киирэр үбү бэйэ сиригэр, өрөспүүбүлэкэҕэ, үллэрэн хаалларар курдук үлэлиэххэ-хамсыахха наада диэн бигэ санаатын этиннэ. Түмүккэ, Николай Долгунов үлэ күнүгэр бириэмэлэрин кэрэйбэккэ көрсүһүүгэ кэлбит Дүллүкү нэһилиэгин олохтоохторугар махтанна. Салгыы Хоро нэһилиэгэр айаӈӈа туруннубут. #НиколайДолгунов #БиһигиКүүспүтТүмсүүгэ #ЕдинаяРоссия max.ru/channel_VNikolaev