Бүгүн, балаҕан ыйын 7-с күнүгэр, Үөһээ Бүлүү бөһүөлэгин "Ыллыкчаан", "Аленушка", "Солны...
Бүгүн, балаҕан ыйын 7-с күнүгэр, Үөһээ Бүлүү бөһүөлэгин "Ыллыкчаан", "Аленушка", "Солнышко" оҕо уһуйааннарын коллективтарын кытта көрсүстүм. Көрсүһүү кэмигэр, оҕолорбут сайдыытыгар, улууспут кэскилигэр сүҥкэн кылааты киллэрэр уһуйаан үлэһиттэрин сыралаах үлэлэригэр махталбын тиэрдэн туран, балаҕан ыйын 18, 19, 20 күннэригэр ыытыллар быыбарга көхтөөх кыттыыны ылалларыгар ыҥырдым. Уһуйаан үлэһиттэрэ көрсүһүүгэ бэйэлэрин кыһалҕаларын эттиннилэр, санааларын үллэһиннилэр. Ол курдук, сэлиэнньэ иһинээҕи суоллары оҥоруу, автобус сырыытын, маршрутун көрүү, элбэх оҕолоох ыалларга сири биэрии уочаратын, мусор кыһалҕатын, сэлиэнньэ иһинээҕи уоту холбооһун, сайыҥҥы водопроводу тардааһын онтон да атын тыын кыһалҕалары дьүүллэстибит. Көрсүһүү кэмигэр киирбит хас биирдии ыйытыыга чопчу хоруйдар бэрилиннилэр, ону тэҥэ инники үлэҕэ туһалаах этиилэр болҕомтоҕо ылылыннылар. Кыһалҕалар үксүлэрэ олохтоох дьаһалта боломуочуйатыгар сыһыаннаах буолан, тустаах бөһүөлэк дьаһалтатын иннигэр ыксаллаах быһаарыыны эрэйэр ыйытыылары туруоруохпут. Түмүккэ, уһуйаан үлэһиттэрэ "Биир ньыгыл Россия" партияны уонна кандидаттары Петр Шамаевы, Николай Долгунову өйүүллэрин биллэрдилэр. #ЕдинаяРоссия #ЕР14 #ҮөһээБүлүү max.ru/channel_VNikolaev