Бүгүн, балаҕан ыйын 4-с күнүгэр, Харбалаах, Тамалакаан, Ороһу, Нам нэһилиэктэрин үөрэх ...
Бүгүн, балаҕан ыйын 4-с күнүгэр, Харбалаах, Тамалакаан, Ороһу, Нам нэһилиэктэрин үөрэх эйгэтин үлэһиттэрин кытта көрсөн, балаҕан ыйын 18, 19, 20 күннэригэр ыытыллар быыбарга көхтөөхтүк кыттарга ыҥырдым уонна "Биир ньыгыл Россия" партияттан турунар кандидаттар тустарынан сырдаттым. Ол курдук, быйыл биһиги Государственнай Дума саҥа ыҥырыытын депутаттарын талыахпыт. Биһиги өрөспүүбүлүкэбититтэн "Биир ньыгыл Россия" партия списогынан Галина Данчикова, биир мандааттаах уокуруктан Петр Шамаев, Ил Түмэҥҥэ Үөһээ Бүлүү уонна Горнай улуустарыттан Николай Долгунов тураллар. Галина Данчикова – биһиги өрөспүүбүлүкэбит сайдыытыгар сүҥкэн кылааты киллэрбит, өр сылларга Саха Сиригэр араас таһымнаах үлэҕэ хоту улуустартан саҕалаан үлэлээбит уопуттаах, мындыр өйдөөх, толкуйдаах салайааччы буолар. Петр Шамаев – билигин Саха Өрөспүүбүлүкэтин эдэр ыччат миниистиринэн үлэлии олорор. Кини Анал байыаннай дьайыы бэтэрээнэ. Анал байыаннай дьайыыга бэйэтэ баҕа өттүнэн контракт баттаан инники кирбиигэ БПЛА операторынан штурмнарга кыттыыны ылбыт, онтон улаханнык эчэйэн дойдутугар эргиллэн кэлбит хорсун буойуммут. Николай Долгунов – биһиги биир дойдулаахпыт, Үөһээ Бүлүү улууһун Боотулуу нэһилиэгиттэн төрүттээх, дьоҕурдаах финансист, "Алмазэргиэнбаан" генеральнай директора. Москва курдук дойдубут киин куоратыгар араас таһымнаах бааннарга үлэлээбит, элбэх көрүүлээх, билиилээх биир дойдулаахпыт. Быйылгы быыбарга "Биир ньыгыл Россия" партия чахчы таһымнаах, күүстээх кандидаттардаахпыт. Кинилэри өйөөн, дойдубут сайдыытын туһугар Үөһээ Бүлүү улууһа түмсэн, биир киһи курдук куоласпытын биэриэҕиҥ диэн ыҥырабын. #ЕдинаяРоссия #ЕР14 #ГалинаДанчикова #ПетрШамаев #НиколайДолгунов #ҮөһээБүлүү max.ru/channel_VNikolaev