Бүгүн, балаҕан ыйын 2-с күнүгэр, улууспут киин оскуолаларын кэрийэн үлэһиттэри кытта кө...
Бүгүн, балаҕан ыйын 2-с күнүгэр, улууспут киин оскуолаларын кэрийэн үлэһиттэри кытта көрүстүм. Көрсүһүүбүт сүрүн соруга – бу балаҕан ыйын 18, 19, 20 күннэригэр ыытыллар Быыбарга көхтөөх кыттыыны хааччыйыы буолар. Ону тэнэ "Биир ньыгыл Россия" партия көҕүлээһининэн оҥоһуллубут, бу сыл от ыйын 20 күнүгэр Дойдубут Президенин В. В. Путин баттаабыт 498 №-дээх саҥа Ыйааҕынан учууталлары өйөөһүн саҥа көрүҥнэрин билиһиннэрдибит. Ол курдук, "УЧУУТАЛ" диэн идэ анал туруктанна. Судаарыстыбаннай таһымӈа учуутал идэлээхтэр официально үрдүк суолталаах киһи буолаллар. Учууталлар статустарын туоһулуур анал дастабырыанньалаах буолуохтара. Учуутал диэн дойду кэскилин кэрэһэлиир сүрүн тирэх идэ буоларын Президиэммит туоһулаан бу курдук Ыйааҕы баттаата. Ыйаахха учуутал статуһун үрдэтии таһынан эбии өйөбүллэр көрүӈнэрэ сурулуннулар. Ол курдук: ✅уопуттаах учууталлар эдэр учууталлары үлэлии киирбит кэмнэриттэн ыла биир сыл сүбэлээн, үөрэтэн илдьэ сылдьыахтара. ✅учууталларга бары судаарыстыбаннай электроннай үөрэхтэр, библиотекалар босхо буолуохтара. ✅"Үлэ бэтэрээнэ" аат 25 сыл тохтоло суол үлэ стажтаах учууталларга иҥэриллиэҕэ. ✅Учууталлар судаарыстыбаннай түмэллэргэ босхо киирэр буолуохтара. ✅Үлэ уонна социальнай харысхал өттүгэр босхо юридическай көмөнөн туһанар кыахтаналлар. ✅Учууталлар оҕолорун уһуйааннарга уочарата суох ылыы буолуоҕа. 2026-2031 сылларга былааннаммыт "Биир ньыгыл Россия" партия саӈа норуот бырагыраамматыгар учууталлары өйөөһүн сүрүн сорук буолар: ✅учууталлар хамнастарын сыл ахсын үрдэтэргэ индексация оӈоһуллуоҕа ✅тыа сиригэр үлэлии барар учууталларга "Земский учитель" бырагыраамма салгыы үлэлиэҕэ ✅учууталларга льготалаах ипотека үлэлиэҕэ. Маны таһынан, быйылгы үөрэх сылыттан учууталлар, оскуола үлэһиттэрин хамнастарын оклада бары оскуолаларга оҕо ахсааныттан тутулуга суох биир кэлим буолуоҕа. Ол эбэтэр, элбэх оҕолоох куорат оскуолатын да, тыа сирин оскуолатын да учууталлара, үлэһиттэрэ биир кэлим хамнастары ылыахтара. Бу уларыйыы учууталлары тыа сиригэр тутууга төһүү күүс буолуоҕа. Оскуола - инникини түстүүр, саӈа көлүөнэни иитэн таһаарар үөрэх-билии биһигэ. Учууталлар – оҕолорбутугар билии уотун саҕар, өй-санаа күүһүн иҥэрэр, сырдык суолу ыйар, кэскили түстүүр, дьоһуннаах киһи оҥорор тутаах дьоммут, олохпут тирэҕэ буолаллар. Президент В. В. Путин Ыйааҕа уонна "Биир ньыгыл Россия" партия норуот бырагырааммата учуутал идэтин престиһин үрдэтиэҕэ. Быыбар – биһиги улууспут уонна өрөспүүбүлүкэбит инники кэскилин быһаарар сүрүн түгэн. Быыбарга көхтөөхтүк кыттан, "Биир ньыгыл Россия" партияны өйөөн, күүстээх кэскили түстүөҕүҥ! #Образование150 #ҮөһээБүлүү #ЕдинаяРоссия #УказПрезидента #НароднаяПрограмма max.ru/channel_VNikolaev