Әнүзә апайҙан кәңәш:
Әнүзә апайҙан кәңәш: « Ике төрлө хризантемам бар. Береһен 2025 йыл ҡыш алғайным, яҙ баҡсаға сығарып, ергә ултырттым. Үҫте түңәрәк булып йәйелеп, сәскә атып өлгөрмәне. Мультифлора ул, тышта ҡышламай тигәстәре, һабаҡтарын 4-5 см ғына ҡалдырып ҡырҡтым. Шунан совок менән дүрткә бүлдем дә, өс өлөшөн төрлө ергә күсереп ултырттым, һалам менән яптым. Береһен гөл һауытына ултыртып өйгә индерҙем. Тәҙрә төбөндә ҡыш сыҡты Теге өсәү үлгән. Өйҙәген тышҡа сығарҙым. Диаметры 95 см булып, шар кеүек матур үҫте. Сентябрҙә сәскә атты. Тағы ла бүлеп индерәм инде. Бөтөн көйө индерергә ҙур һауыт кәрәк. Икенселәрен быйыл йәй башында алдым. Корейская хризантема. Бәләкәс кенә инеләр. Улар ҙа сәскә атып өлгөрмәне. Бөрөлө һабаҡтарын ҡырҡып өйгә индергәйнем, сәскә аттылар.Тышта ҡышлай тинеләр. Баҡсала ҡалдырам инде».