Йошкар-Олаште блочно-модульный укрытийым вераҥденыт.
Йошкар-Олаште блочно-модульный укрытийым вераҥденыт. Кӱртньӧ-бетон сооруженийым Суворов уремыште, «ММЗ» чарналтыш воктене, шынденыт. Тидын нерген рӱдола мэрын пашажым жаплан шуктышо Антон Трудинов увертарен. Модульный укрытийыште БПЛА атаке годым чара верыште лийше еҥ-влак шылын кертыт. Тӱҥ укрытийлан илыме пӧрт ден мер оралте-влакын подвалышт шотлалтыт. Виктарыше компаний ден объект-влакын собственникыштлан подвал-влакым шӱкшак да кӱлдымӧ арвер деч эрыкташ кӱштеныт. 🔹Тений ноябрь марте олан тӱрлӧ кундемыштыже эше 11 тыгай модульный укрытийым вераҥдат. 📸Фотом Антон Трудиновын воткыл лаштыкше гыч налме.
54 просмотров