8 сентябрьыште Российысе калык-влакын йылмыштын кечыжым икымше гана палемденыт.
8 сентябрьыште Российысе калык-влакын йылмыштын кечыжым икымше гана палемденыт. Ты кечылан пӧлеклалтше торжественный мероприятий теҥгече Э.Сапаев лӱмеш опер да балет театрыште эртен. Погынышо-влакым Марий Эл вуйлатышын лӱмжӧ дене республикысе Правительстве председательын алмаштышыже - тӱвыра, савыктыш да калык-влакын пашашт шотышто министр Константин Иванов саламлен. Константин Анатольевич калык-влакын йылмыштым арален кодымашке да вияҥдымашке надырым пыштымыштлан министрын Тауштымашыжым И.С.Палантай лӱмеш тӱвыра да сымыктыш колледжын преподавательже Ирина Бутиналан, В.М.Васильев лӱмеш МарНИИЯЛИ-н директоржо Людмила Григорьевалан, МарНИИЯЛИ-н вӱдышӧ шанче пашаеҥже Олег Сергеевлан, МарГУ-н историй да филологий факультетшын деканже Сергей Журавлевлан, республикысе Татар тӱвыра рӱдерын директоржо Раива Мусиналан, 11-ше №-ан лицейын туныктышыжо Светлана Поздеевалан кучыктен. Профессионализмлан да филологий наукым вияҥдымашке кугу надырым пыштымылан Марий Эл Республикын Кугыжаныш Погынжын грамотшо дене МарГУ-н руш йылме, литератур да журналистике кафедрын доцентше, филологий шанче кандидат Алевтина Лаврентьева, наставник пашаште чолгалыкым ончыктымылан, шочмо йылме-влакым арален кодымашке да вияҥдымашке кугу надырым пыштымыштлан Марий Эл Кугыжаныш Погын председательын Таумутшо дене финн-угор ден сравнительный филологий кафедрын доцентше, МарГУ-н урал йылме-влакым шымлыше «Марий йылме» научно- исследовательский рӱдерын «Марий школ» шанче-методике лабораторийжым вуйлатыше, филологий шанче кандидат Марианна Рябинина палемдалтыныт. Кок наградыжымат Михаил Васютин кучыктен. 📸Марий Эл Кугыжаныш Погынын да Марий Эл вуйлатышын пресс-службыжо-влакын фотошт.