Киров олаште «Гордость нации – 2026» VII всероссийский мер премийын Юл кундем федерал о...
Киров олаште «Гордость нации – 2026» VII всероссийский мер премийын Юл кундем федерал округысо этапше иктешлалтын. Кировысо драматический театрын сценыштыже сеҥышыш лекше 26 еҥым палемденыт. Чылаже премийлан округ гыч 350 йодмаш пурен. Премийым налше-влак коклаште Марий Эл гыч кок еҥ лийын. Республикысе Татар тӱвыра рӱдерын художественный вуйлатышыже Гарай Магсумьянов «Российысе калык-влакын икоян улмыштлан служитлымаш» да «Царёв город» фольклор ушемым вуйлатыше Мария Смирнова «Российысе калык-влакын тӱвырашт» номинацийлаште палемдалтыныт. Каласен кодыман, «Марий Эл» газет редакцият ты премийын федерал кӱкшытышкыжӧ йодмашым пуэн. Ынде вучаш тӱҥалына сай уверым. Снимкылаште: Гарай Магсумьянов: Мария Смирнова (покшелне) «Царёв город» фольклор ушемын участникше-влак дене пырля. 📸Республикысе татар рӱдерын да Йошкар-Ола историй тоштерын воткыл лаштыклаж гыч налме фото-влак.