‼
‼ М.Шкетан лӱмеш Марий кугыжаныш драме театр актер студийым пога. Студийыш ушнышо самырык еҥлан театрыште пашам ышташ да, заочно тунемын, «драме театрын да кинон артистше» специализаций дене кӱшыл образованийым налаш йӧн лиеш. Ончыкылык артист марла сайын кутырен моштышаш. Мура, кушта, семӱзгар дене шокта гын, эшеат сай. Эн тӱҥ йодмаш – артист лияш, ӱмыр мучко театрлан ӱшанлын служитлаш кугу кумыл лийшаш. Студийыш логалшашлан усталык конкурс гоч эртыман. Конкурсын йодмашыжым серышым возымеке пален налаш лиеш. Образований шотышто кандидат дек йодмаш: 2027 ийысе кеҥежлан лийшаш: - 11 класс образованиян, кыдалаш профессионал училищыште тунемше але культурысо огыл специальность дене кыдалаш профессионал образований дипломан кандидатын Руш йылме да литератур дене ЕГЭ-м кучымо нерген сертификат; - кӱшыл образований але культурысо специальностян кыдалаш профессионал образований нерген диплом. Кажне кандидат дене усталык конкурсым эртыме да моло условийым шуктымо шотышто посна консультаций эртаралтеш. Марий актер студийыш кандидат лияш кумылда нерген тыгай адрес дене возыза: b_svetlana2003@mail.ru. shketan@mail.ru (Светлана Мартьяновна Белковалан). Тел. (8362) 63-00-18