Кодшо рушарнян Кужэҥер районысо Шорнотышто Тӱня кумалтыш эртен.
Кодшо рушарнян Кужэҥер районысо Шорнотышто Тӱня кумалтыш эртен. Кече сай лийын, калык моткоч шуко погынен. Кызыт саманжат тугай тургыжландарыше: шуко марий еш гыч шочшышт СВО-што элна верч кредалыт. Але вара лишыл еҥышт нунын верч кумалаш Тӱня кумалтышыш мийыде кертыт… Вич ий гыч толшо тыгай йӱлалан калык ончылгоч ямдылалтеш. Вич тулолмышто 41 пурлык дене, 300 наре утла чеспелак дене кумалыныт ты гана! Кӱчан чеспелакат лийын, но утларакше шулдыраным конденыт. «Таче ме Ош Сандалык Поро Кугу Юмылан, тудын Тӱҥ Тӱҥалтышлан, Мер Кугу Юмылан, Шочын Авалан, Мланде Авалан, Курык Кугызалан да моло шнуй юмо-влаклан калыкнан чыла шотыштат перкежлан кумалын шогена. Пелештымына иза-шольо вашпижмаш деч утлаш полшыжо. СВО-ш кайыше пӧръеҥ-влак могай таза капкылан каеныт, сеҥымаш дене тугаяк пӧртылышт. Марий калыкна волгалт шогыжо! Поро пӱрымаш, пиал дене улан илаш, ешан-шочшан лияш йодын кумалына», – каласыш тӱшка калык ончылно Республикысе Марий юмыйӱла ушемын тӱҥ онаеҥже Александр Таныгин. Светлана Носован фотожо. Умбакыже ссылке почеш лудса: газетамарийэл.рф/shornoto-t...