📰🍂Газетнан у номерыштыже лудаш темлена:
📰🍂Газетнан у номерыштыже лудаш темлена: ✅Кугыжаныш Погынын латиндешымше сессийыштыже депутат-шамыч 24 йодышым онченыт, Марий Элын 17 законжым пеҥгыдемденыт. Парламент у кугыжаныш пайремым – Марий Эл Конституцийын кечыжым – пеҥгыдемден, да тудо ынде 24-ше июньышто палемдалташ тӱҥалеш. Кумданрак - "Кугыжаныш Погынышто" лаштыкыште. ✅Волжский округысо Курмызак ял калык илыш дене тӧр ошкылаш тырша. Сотнур террриториальный отделым вуйлатыше Людмила Яковлеван мутшо почеш, кызыт ты ялыште 48 сурт кодын, тушто 136 еҥ ила. Шуко ялыште яра шинчыше пӧрт-влак улыт, да нуно ешаралтын гына толын гын, тыште тыгайже визытыш гына погына. Тушкыжат самырык-влак ача-ава суртыш толыт, даче семын кучат. Ялын илышыж нерген "Ӱшан йомын огыл" материалыште лудса. ✅4 ноябрьыште Российыште Калыкын икоян улмо кече палемдалтеш. Тудын лӱмеш элыштына «Пирог на четвёртое» акций увертаралтын. Акцийыш Йошкар-Ола гыч Мер-политике рӱдерым вуйлатыше, Марий Эл Кугыжаныш Погынын депутатше, Оньыжа Эдуард Александровын ешыже ушна. Эдуард Васильевичын еш йӱлашт нерген кумылын каласкалымыжым "Тачысе темылан" лаштыкыште лудаш темлена. ✅24-25 октябрьыште Йошкар-Олаште «Калык вургем пайрем унала ӱжеш» регион-влак кокласе фестиваль эртен. Тушто кумда элнан тӱрлӧ кундемже гыч толшо мастар, модельер-влак пытартыш кок ий жапыште ямдылыме вургемыштым ончыктеныт. Коло наре коллекций гыч эн чаплыжым Яков Эшпай лӱмеш Марий кугыжаныш филармонийыште гала-концертыште калык ончыко луктыныт. Мероприятий гыч репортажым " Тӱвыра алан" лаштыкыште лудса. ✅Кодшо арня мучаште Марий Элыште «Финн-угор транзит» Х тӱнямбал фестиваль эртен. 2008-ше ий гыч эртаралтше сымыктыш да калык усталык фестивальыш Беларусь, Угарман область, Коми Республик, Пермский край гыч коллектив, солист, эксперт-влак, калык усталык пӧрт ден тӱвыра да каныме учреждений-влакын специалистышт толыныт. Мероприятийыш Российысе финн-угор калык-влак ассоциацийын Молодёжный советшын еҥже-влак ушненыт. Кумданрак - "Родо-тукым кыл" лаштыкыште.