Храм в честь иконы Божией Матери «Умиление» — духовный уголок Луганска
Новости · 19 октября 2026 г.
Тропа́рь гла́с 1.
Тропа́рь гла́с 1. Уте́шитель благода́тный/ в годи́ну лю́тых испыта́ний показа́лся еси́,/ óтче пра́ведне Иоа́нне,/ земли́ Донски́я моли́твенниче,/ ересе́й и раско́лов обличи́телю,/ óбраз послуша́ния показу́я,/и це́ркве Хриcто́вы держа́ся,/я́коже ковче́га спаси́тельнаго./ Те́мже ны́не живы́й со Влады́кою Хриcто́м,/ ве́чную пасха́льную ра́дость восприя́л еси́:/ и на́м помози́ неосту́пно в ве́ре пребы́ти/ и небе́cную сла́ву насле́дити. Конда́к гла́с 6. Я́ко свети́льник стяжа́в зако́н боже́ственный,/ учи́тель сего́ яви́лся еси́,/богому́дре Иоа́нне óтче на́ш,/ и ве́ры правосла́вныя защи́титель,/ и та́ко све́т ея́ пречи́cтый/ во тьме́ безбо́жия непобеди́мо возсия́,/ Хриcто́с бо с на́ми, и никто́же на ны́. Молитва Праведному Иоанну Домовскому Святый праведный отче Иоанне, Ростова на Дону светильниче, чадолюбивый наставниче Слова Божия, Царей Православных радетелю, обновленчества и безбожия обличителю, моли милостиваго и всещедраго Бога, да исполнит всеми дарами благости Своей Церковь Русскую и да утвердит на земле российстей Царей благоверных, насадителей всякаго добра и благочестия во Имя Отца и Сына и Святаго Духа. Аминь. Величание Велича́ем тя,/ святы́й пра́ведный о́тче наш Иоа́нне,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.