По благословению Святейшего Патриарха Кирилла от 14 августа 2025 года в день празднован...
По благословению Святейшего Патриарха Кирилла от 14 августа 2025 года в день празднования иконы Божией Матери, именуемой «Целительница», возносятся сугубые молитвы об исцелении детей с тяжелыми заболеваниями и об их родителях, с совершением молебнов во всех храмах Русской Православной Церкви. 1 октября день празднования иконы Божией Матери ЦЕЛИТЕЛЬНИЦА Влады́ко Человеколю́бче, Го́споди Иису́се Христе́, Бо́же наш, долготерпели́вый и многоми́лостивый, ве́лия ми́лость Твоя́ и неизрече́нно милосе́рдие Твое, вся объе́млет любо́вь Твоя́ и ничто́же невозмо́жно Тебе́, а́ще то́кмо восхо́щеши. Ты бо рекл еси́, Го́споди: оста́вите дете́й приходи́ти ко Мне, таковы́х бо есть Ца́рствие Бо́жие, и Иаи́рову дщерь от одра́ сме́ртнаго воздви́гл еси́, и егда́ не́кий царе́в муж, его́же сын боля́ше в Капернау́ме, с наде́ждою приступи́ к Тебе́, рекл еси́ ему́: Иди́, сын твой жив есть. Сего́ ра́ди мы, гре́шнии и недосто́йнии, к Тебе́ притека́ем и, в покая́нии припа́дающе, мо́лим Тя о ча́дех, младе́нцех и о́троцех неду́гующих и боле́зньми тя́жкими лю́те стра́ждущих: не отри́ни их, к Тебе приходя́щих и ми́лости от Тебе́ ча́ющих, и воздви́гни их от одра́ боле́зненнаго це́лых и всесоверше́нных. При́зри, Бо́же, и на роди́тели чад боля́щих, уврачу́й сердца́ их скорбя́щая Боже́ственными словесы́ Твои́ми, уныва́ющия укрепи́, во отча́яние впа́дшия возста́ви, испо́лни их ве́ры, наде́жды и упова́ния на ми́лость Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.