Тумакка байыаннай сибээс күнэ бэлиэтэннэ
Тумакка байыаннай сибээс күнэ бэлиэтэннэ Алтынньы 20 күнэ – байыаннай эпэрээссийэлэри сибээһинэн хааччыйыыга уонна сүрүннээһиҥҥэ үлэ арахсыспат исписсэлиистэргэ ананар. Бу күн 1919 сыллаахха Кыһыл Аармыйаҕа сибээс тэрилтэтэ арыллыбыта. Бу дьоһун күнү бэлиэтиир тэрээһиҥҥэ биһиэхэ, Туматтааҕы “Түмсүү” культура дьиэтигэр, Сэбиэскэй Союз Сэбилэниилээх күүстэрин салгынтан көмүскэнии Кыһыл аармыйа кэккэтигэр радиотехническай байыаннай чааска сулууспалаабыт, Саха сирин тыатын хаһаайыстыбатын туйгуна – Маркел Слепцов ыалдьыттаата. Кини сулууспалаабыт кэмнэрин ахтан-санаан кэпсээтэ, иһитиннэрдэ. Итиэннэ кыттыыны ыллылар оскуола үөрэнээччилэрэ. Тэрээһиҥҥэ оҕолор байыаннай-патриотическай тиэмэҕэ уруһуйдарын уонна пластилинынан илиинэн оҥоһуктарын аҕалан көрдөрүүгэ туруордулар. Кыттааччыларга Туоһу суруктар туттарылыннылар, өйдөбүннүк хаартыскаҕа түһүү буолла. Сиһилии: https://заря-яны.рф/tumakka-bajyannaj-sibees-k%d2%afne-belietenne/ @channel_zarya_yana @ulusmedia