ГЕРОЙ-ИЙЭ ТУҺУНАН ДЬОҺУН-МААНЫ КИНИГЭ СҮРЭХТЭННЭ
ГЕРОЙ-ИЙЭ ТУҺУНАН ДЬОҺУН-МААНЫ КИНИГЭ СҮРЭХТЭННЭ #саҥакинигэ Тыараһаҕа дьоһун-мааны кинигэ биһирэмэ ыраахтан-чугастан үгүс дьону түмэ тарта. “Дьоруой ийэ” уордьаннаах, “Ийэ мэтээлин” 1-кы, 2-с, 3-с истиэпэннэрэ, “Ийэ албан аата” уордьан 1-кы, 2-с, 3-с истиэпэннэринө хаһаайына, “Тыараһа нэһилиэгин бочуоттаах олохтооҕо 12 оҕону күн сирин көрдөрбүт Марфа Кирилловна Попова туһунан сылааһынан илгийэр «КҮН КҮБЭЙ ИЙЭ” диэн кинигэ сүрэхтэниитин дьоро күнэ буолла. Чулуу ийэ олоххо күүстээх тардыһыылаах, чаҕылхай сирдээҕи олоҕун уостан түспэт ахтылҕан быһыытынан кинигэҕэ үйэтиттилэр. Кинигэни Марфа Кирилловна улахан кыыһа РФ үрдүкү профессиональнай Үөрэхтээһинин бочуоттаах үлэһитэ, СӨ тыатын хаһаайыстыбатын үтүөлээх үлэһитэ, тыа хаһаайыстыбатын наукатын кандидата Акулина Васильевна Попова хомуйан, 100 экземплярынан таһааттарда. Дьоро күн ураты истиҥ эйгэҕэ, толору астаах сандалы тула түһүлгэлээн олорон, итии үүттээх чэйдээх, истиҥ сэһэргэһии, ааспыты ахтыһыы быһыытынан ыытылынна. Кулууп саалатын кыйа Марфа Кирилловнаҕа анаммыт быыстапка дьон-сэргэ болҕомтотун тарта. Манна кини илиитин сылааһын иҥэрэн оҕолоругар тикпит сиэдэрэй таҥастара, күрүчүөгүнэн өрүллүбүт куруһубанан киэргэммит орон, сыттык сабыылара, иистэммит массыыната, оҕолоро кыраларыгар олорбут олоппосторо, Дьоруой Ийэ үрдүк аатын сүкпүт докумуоннара, наҕараадалара, олоҕун араас түгэнин үйэтиппит хаартыскалар турдулар. Бүгүҥҥү тэрээһин маанылаах ыалдьытынан Поповтар аймах ытык киһилэрэ СӨ норуодунай суруйааччыта Семен Попов – Сэмэн Тумат буолла. //Кинигэ биһирэмин туһунан сиһилии “Таатта” хаһыакка уонна сайтка тахсыаҕа. @taattagazeta @ulusmedia