СЫРДЫК ӨЙДӨБҮЛ ӨЛБӨӨДҮЙБЭТ
СЫРДЫК ӨЙДӨБҮЛ ӨЛБӨӨДҮЙБЭТ 🌀Анал байыаннай дьайыы кыттыылааҕа, "Эр санааланыы" уордьан туһааннааҕа, рота командира Анатолий Данилов сырдык кэриэһигэр ыытыллыбыт буулдьанан ытыыга бастакы аһаҕас турнир үрдүк таһымӈа ааста. Дьиэ кэргэнин, аймах-билэ дьонун, доҕотторун, үөлээннээхтэрин, бойобуой доҕотторун, улуус буулдьанан ытыыга федерациятын, спорт кэмитиэтин, оҕо спортивнай оскуолатын күүһүнэн тэриллибит күрэхтэһиигэ Тааттаттан, Чурапчыттан, Мэӈэ Хаӈаластан, Уус Алдантан, Амматтан, Горнайтан 72 ытыыны сэӈээрэр, спорт бу көрүӈүнэн дьарыктанар киһи кытынна. Тэрээһини арыйыыны Ытык Күөл иккис нүөмэрдээх оскуолатын уолаттара былаахтары күөрэччи тутан, биир тэӈник хааман киирбиттэрэ олус киэргэттэ. Кыттааччылар күрэхтэһии судьуйата, буулдьанан ытыыга спорт маастара Октислава Аргунова салайыытынан сэлэлии хааман киирдилэр. Улуус баһылыгын солбуйааччы Н. Н. Жегусов, Улуус Мунньаҕын бэрэссэдээтэлэ П. П. Максимов, Таатта нэһилиэгин баһылыга Е. И. Павлов Анатолий Анатольевич туһунан иһирэх тылы эттилэр. Анал байыаннай дьайыы билиһиннэрбит доҕотторо Дьокуускайтан, Намтан кэлэн, алтыспыт түгэннэрин кэпсээтилэр, Анатолий Данилов ийэтигэр, аҕатыгар, дьиэ кэргэнигэр махтаннылар, бу күрэх салгыы сайдан иһэригэр эттилэр. Анатолий хайдахтаах сатабыллаах байыаһын, эппиэтинэстээх хамандыырын, киһи киһитэ буоларын сырдатан, тус олохторугар көмө буолбутун кэпсээн, уйадыттылар. @taattagazeta @ulusmedia