🛑“ЫАЛЛАҺАН ОЛОРУУГА САҤА ТЕХНОЛОГИЯЛАР” СЕМИНАР-ПРАКТИКУМ — 15 сентября 2026 г. в 02:49:47.727
🛑“ЫАЛЛАҺАН ОЛОРУУГА САҤА ТЕХНОЛОГИЯЛАР” СЕМИНАР-ПРАКТИКУМ Бүгүн Ытык Күөлгэ “Сарыал” култуура уонна спорт сайдыытын киинигэр Президент фондатын гранынан "Түөлбэ - сайдыы төрдө" бырайыак чэрчитинэн "Технология добрососедства: от идеи к устойчивым сообществам" семинар-практикум буола турар. Тэрийээчилэр: - Таатта улууһун дьаһалтата; - Таатта нэһилиэгин дьаһалтата; - Улуустааҕы тыа сирин көҕүлүүр дириэксийэтэ; - Таатта улууһун кэммиэрчискэйэ суох тэрилтэлэри, социальнай урбаанньыттары өйүүр ресурснай киинэ; - Таатта нэһилиэгин култуура уонна спорт сайдыытын киинэ; Бүгүҥҥү күҥҥэ экспертар Москва куораттан: - Сергей Александрович Кузнецов - "Добрые соседи" Арассыыйатааҕы бырайыак салайааччыта, "Норуоттар икки ардыларынааҕы ыаллыылар" күннэрин Арассыыйатааҕы координатора, педагогическай наука кандидата, "Экономика үрдүкү оскуолата" НИУ научнай сотруднига, ТОС (түөлбэ) университетын дириэктэри солбуйааччыта; - Елена Сергеевна Веселовская - "Мультифрукт" креативнай агентство салайааччыта, "Добрые соседи" Арассыыйатааҕы бырайыак, ТОС (түөлбэ) университетын, "Экономика үрдүкү оскуолата" НИУ эксперэ. Хамаанданан үлэҕэ федеральнай, региональнай трениннар соавтора. Кинилэри сэргэ: - Надежда Моисеевна Ноговицына - АНО "Центр "Арктика: ресурсы и традиции" дириэктэрэ. - Мария Ивановна Захарова - Таатта улууһун кэмиэрчэскэйэ суох тэрилтэлэри, социальнай урбаанньыттары өйүүр ресурснай киин методиһа; Икки күннээх семинарга 9 блоктарынан арахсан практическай дьарыктары ыыталлар. Манна ыаллаһан, түөлбэлээн олорууга аныгы хайысхалары; ол курдук экономика, харысхаллаах буолуу, култуура, бэйэни салайыныы, граннар уонна бырайыактыыр үлэ, түмсүүлээх буолуу онтон да атыттары ырытыахтара, көмө, сүбэ-саргы буолуохтара. Дискуссиялар, хамаанданан, группанан оонньуулар, үлэлэр буолуохтара. Москваттан кэлбит ыалдьыттары “Күн чөмчүүк” фольклорнай бөлөх сахалыы эҕэрдэнэн, кыл кырыымпа доҕуһуоллаах норуот ырыатынан айхаллаатылар. Тэрээһин сүрдээх эйэҕэс, сэргэх эйгэҕэ буола турар. @taattagazeta @ulusmedia