"Чолбон" сурунаал күнэ - Тааттаҕа
"Чолбон" сурунаал күнэ - Тааттаҕа 🌀 А. И. Софронов -Алампа 1926 сыллаахха төрүттээбит уус-уран литература сурунаала үйэлээх сааһын бэлиэтиир күн Алампа көмүс уӈуоҕар сүгүрүйүүттэн, кини мэӈэ өйдөбүнньүгэр нөрүйүүттэн саҕаланна. "Чолбон" сурунаал бас эрэдээктэрэ Гаврил Андросов, солбуйааччыта, Алампа аатынан бириэмийэ лауреата Данил Макеев тус санааларын, "Чолбон" сурунаал оччоттон баччаҕа диэри "Алампа охсубут эркээйилэрин батыһарын, саха тылын сүөгэйин-сүмэтин тутан илдьэ сылдьарын" эттилэр. Күн иккис аӈарыгар ааҕааччылардыын, айар-суруйар дьоннуун көрсүһүү буолла. Г. Г. Андросов өрүү алтыһар, сурунаал бырайыактарыгар кыттар дьоӈӈо махтал суруктары туттарда. Уолба, Чөркөөх, Баайаҕа, Ытык Күөл айар түмсүүлэрэ алгыс тылларын тиэртилэр, хомоҕой хоһоон кэһиилэнэн, күн силигин ситэрдилэр. Гаврил Андросов "Тааттаҕа сурунаал хас ахсыс сурутааччыта олорор, онон эһиги, биир дойдулаахтарым, баҕа санааҕытын өрүү болҕомтоҕо ылабын",- диэн бэлиэтээтэ. @taattagazeta @ulusmedia