"ДРУЖБА" АНСААМБЫЛ КЫТАЙГА
"ДРУЖБА" АНСААМБЫЛ КЫТАЙГА 🌀"Дружба" оҕо үӈкүү народнай ансаамбыла Кытай Чикань диэн былыргы куоратыгар норуоттар икки ардыларынааҕы бастакы фестивальга кытта сылдьар. Алтынньы 1-15 күннэригэр буолар фестивальга Россияттан, Францияттан, Италияттан, Болгарияттан, Грузияттан, Хорватияттан уонна Чилиттэн 13 коллектив кыттар. Биһиги оҕолорбут Дьокуускайтан "Сюрприз" народнай ансаамбылы кытта биир программа оӈорон, күӈӈэ 4-түүтэ үӈкүүлээн, атын омукка саха, нуучча култууратын билиһиннэрэн, көрдөрөн, сөхтөрөллөр, хас тахсыыларын фестиваль кыттыылаахтара, өрүү толору кэлэр көрөөччүлэр ытыс дохсун тыаһынан доҕуһуоллууллар. Ансаамбылы В. К. Козлов, Н. В. Козлова салайан илдьэ сылдьаллар, тылбаасчытынан А. Ю. Тарасенко үлэлиир. "Дружба" 12 үҥкүүһүтэ фестивальга "Битии", "Өрөгөй", "Кыталыктар", "Дэйбиирдээх" уонна "" Оһуохай" үнкүүлэрин толорон, саха омук ураты тыынын, хамсаныыларын, таӈаһын-сабын киэӈ сиргэ биһирэтэр. @taattagazeta @ulusmedia