ҮҤКҮҮЛЭЭХ КЭРЭ ТҮҺҮЛГЭҔЭ - ИЙЭЛЭЭХ КЫЫС
ҮҤКҮҮЛЭЭХ КЭРЭ ТҮҺҮЛГЭҔЭ - ИЙЭЛЭЭХ КЫЫС Дьокуускай куоракка Аксения уонна Наталья Посельскаялар ааттарынан балет оскуолатыгар (колледжыгар) Аан дойдутааҕы Кыргыттар күннэригэр уонна Саха Өрөспүүбүлүкэтигэр Ийэ күнүгэр анаммыт, VI Өрөспүүбүлүкэтээҕи «Ийэлэр – кыргыттар» ("Матери - дочери”) кэрэ тэрээһин буолан ааста. Бу күрэс СӨ үлэҕэ уонна социальнай сайдыыга министиэристибэтин уонна «Арассыыйа ийэлэрэ» уопсастыбаннай хамсааһын Саха сиринээҕи отделениетын көҕүлээһиннэринэн ыытылынна. Тэрээһин сүрүн сыала — дьиэ кэргэн төрүт сыаннастарын бигэргэтии, ийэ уонна кыыс оҕо ситимин өссө ордук күүһүрдүү буолар. 🤩Күрэскэ Таатта улууһуттан орто бөлөххө (10–13 саастаах оҕолордоох ийэлэргэ) Лена Ильинична Афанасьева кыыһынаан Викториялыын бэйэлэрин ис киирбэх, кэрэ үҥкүүлэрин толорон, дьүүллүүр сүбэ уонна көрөөччүлэр биһирэбиллэрин ылан 🏆 1-кы истиэпэннээх Лауреат ⭐️үрдүк аатын ситистилэр.👏👏👏😍😍😍 Афанасьевтар дьиэ кэргэттэрин, бу өрөгөйдөөх кыайыыларынан ис сүрэхпититтэн эҕэрдэлиибит! 💐💐💐👏👏👏 @taattagazeta @ulusmedia