ТААТТА КЫРГЫТТАРА — ДРОННАРЫНАН СҮҮРДҮҮГЭ АРАССЫЫЙА БАСТЫҤНАРЫН КЭККЭТИГЭР КИИРДИЛЭР
ТААТТА КЫРГЫТТАРА — ДРОННАРЫНАН СҮҮРДҮҮГЭ АРАССЫЫЙА БАСТЫҤНАРЫН КЭККЭТИГЭР КИИРДИЛЭР 💫Таатта улууһуттан сылдьар эдэр спортсменнар Айсана уонна Сайнара Собакиналар дроннарынан сүүрдүүгэ (гонки дронов) 200 мм кылааска Арассыыйа Первенствотыгар хамаанданан киириигэ боруонса мэтээли ыллылар. Саха Өрөспүүбүлүкэтин устуоруйатыгар бу аныгы спортивнай хайысхаҕа Арассыыйа таһымыгар аан бастакы дьоһун ситиһии буолар! Кыргыттар Уолба орто оскуолатын үөрэнээччилэрэ. Эдэр талааннарга тирэх буолбут наставниктарынан физика уонна информатика учуутала Дмитрий Данилов буолар. Ону тэҥэ оҕолор аныгы техническэй дьоҕурдарын арыйалларыгар уонна баһылыылларыгар оскуола директора Алексей Аржаков куруук усулуобуйаны тэрийэн өйүүрэ улахан оруоллаах. Дроннарынан сүүрдүү — спорту, инженернэй өйү-санааны уонна аныгы үрдүк технологиялары бииргэ түмэр. Маннык күрэхтэһиилэргэ кыттыы оскуола оҕолоругар беспилотниктары салайарга, программалааһыҥҥа уонна уустук техниканы кытта үлэлииргэ сүҥкэн уопуту биэрэр. Балтылыы Собакиналар ситиһиилэрэ — Саха сирин тыатын оскуолатын оҕолоро Арассыыйа таһымыгар тиийэ ситиһиилээхтик киирсэн, аныгы кэскиллээх хайысхалары чаҕылхайдык баһылыыр кыахтаахтарын өссө төгүл дакаастаата. Кыргыттарбытын Айсананы уонна Сайнараны, кинилэр наставниктарын уонна Уолба оскуолатын кэлэктиибин бу өрөгөйдөөх суолталаах кыайыыларынан ис сүрэхпититтэн эҕэрдэлиибит! Инникитин да саҥа арыйыылары, чыпчааллары уонна чаҕылхай кыайыылары баҕарабыт! 📲МАХ|