Саха сирин былааҕа Москваҕа
Саха сирин былааҕа Москваҕа Саха Өрөспүүбүлүкэтин судаарыстыбаннай былааҕын күнэ — бу Саха сиригэр ураты суолталаах, сыл аайы алтынньы 14-гэр бэлиэтэнэр бырааһынньык. Бу күн өрөспүүбүлүкэ олохтоохторо былаахтарын көтөҕөн, араас култуурунай уонна патриотическай тэрээһиннэри ыыталлар. Биһиги дириэктэр сүбэһиттэрэ Москва куоракка «Үөрэх тэрилтэлэригэр дириэктэр сүбэһитин иитиигэ уонна оҕо уопсастыбаннай холбоһуктарын кытта үлэлиир ньымалар» диэн тиэмэнэн үөрэнэ сылдьабыт. Бу үөрэххэ биһиги салайар үлэҕэ саҥа сатабылларыгар уһуйуллабыт, ону тэҥэ төрөөбүт дойдубутугар бэриниилээх буоларбыт күүһүрэр. Бу бэлиэ күнү көрсө, биһиги Саха Өрөспүүбүлүкэтин былааҕын өрө тутан, киэн туттан, Москва куоракка Саха сирин символын көрдөрдүбүт. Иванова Д.Е. @taattagazeta @ulusmedia