ТААТТАБЫТ КИЭН ТУТТУУТА МАНДАР УУС — АРАССЫЫЙА ҮРДҮК СУДААРЫСТЫБАННАЙ НАҔАРААДАТЫНАН БЭ...
ТААТТАБЫТ КИЭН ТУТТУУТА МАНДАР УУС — АРАССЫЫЙА ҮРДҮК СУДААРЫСТЫБАННАЙ НАҔАРААДАТЫНАН БЭЛИЭТЭННЭ Арассыыйа Бэрэсидьиэнэ Владимир Путин Ыйааҕынан биллиилээх народнай маастар, саха омук духуобунай кутун тутааччыта, биир дойдулаахпыт Борис Фёдорович Неустроев – Мандар Уус «За труды в культуре и искусстве» үрдүк судаарыстыбаннай мэтээлинэн наҕараадаланна. Таатта улууһун дьаһалтатын, улуус дьонун-сэргэтин уонна тус бэйэм ааппыттан Ытык киһибитин бу өрөгөйдөөх ситиһиитинэн ис сүрэхпиттэн итиитик-истиҥник эҕэрдэлиибин! Борис Фёдорович — саха норуотун уус-уран культуратын үйэтитиигэ, өбүгэлэрбит уран сатабылын уонна дириҥ билиитин харыстааһыҥҥа үйэ аҥарын устата сыратын уурбут уһулуччулаах Маастар. Кини хас да тыһыынча саха ойуутун-бичигин түмэн, чинчийэн уонна сурукка тиһэн хаалларбыта — норуоппут аан дойдуга таһымын көрдөрөр сүдү духуобунай нэһилиэстибэ буолар. Мандар Уус суруйбут кинигэлэрэ, кини уһуйбут үөрэнээччилэрэ — төрүт дьарыкпыт өлбөт-сүүппэт үйэлээх ситимэ буолалларын өссө төгүл дакаастыыллар. Ытык-мааны Борис Фёдорович! Эһиги — Саха сирин киэн туттуута буолаҕыт! Өр сыллаах таһаарыылаах үлэҕит, норуоккутугар муҥура суох бэриниилээххит уонна дууһаҕыт сылааһын иһин барҕа махталбытын тиэрдэбит. Эһиэхэ чэгиэн туругу, уостубат айар куту, уһун дьоллоох олоҕу, үтүө үлэҕитин салҕыыр удьуор утумнааччыларгыт ситиһиилэриттэн өрүү үөрэн, дуоһуйан олоруҥ диэн алгыспытын уунабыт! Таатта улууһун баһылыга Айаал Бурцев 📲МАХ|