ОҔОЛОРБУТ — КЭСКИЛЛЭЭХ БЫРАЙЫАКТАР ААПТАРДАРА
ОҔОЛОРБУТ — КЭСКИЛЛЭЭХ БЫРАЙЫАКТАР ААПТАРДАРА Алтынньы 30 күнүгэр П. А. Ойуунускай аатынан Чөркөөх орто оскуолатыгар «Движение Первых» хамсааһын улуустааҕы «Школа актива» сбора ситиһиилээхтик буолан ааста. Тэрээһин чэрчитинэн Улуустааҕы тыа сирин көҕүлүүр дириэксийэтин сүрүн исписэлииһэ Варвара Ивановна Колодезникова үөрэнээччилэргэ социальнай бырайыактары айар уонна суруйар ньымаларга анаан үөрэх ыытта. Сборга улууспут 13 оскуолатыттан барыта 40 көхтөөх оҕо кыттыыны ылла. Оҕолор 6 хамаандаҕа арахсан, «Движение Первых» 12 хайысхатыттан «Үөрэҕирии» салаатын талан, бэйэлэрин дьоһун идеяларын олоххо киллэрэргэ үлэлэстүлэр. Хас биирдии хамаанда бырайыагын аатын, сыалын-соругун туруоран, хамаанда чилиэннэригэр оруоллары араарда, тэрээһин хаамыытын уонна үбүлээһинин бэрт кичээллээхтик былааннаата. Оҕолор торумнаабыт кэскиллээх бырайыактара: • Оскуола иһигэр аныгы сынньалаҥ зоналарын тэрийии; • Химия уонна биология уруоктарыгар анаан чинчийэр лабораториялары олохтооһун; • Спортивнай зонаны бэлэмнээһин; • Аһымал (благотворительнай) кэнсиэрдэри уонна испиктээктэри туруоруу. Хамаандалар бэйэлэрин бырайыактарын ситиһиилээхтик көмүскээтилэр уонна хардарыта киирбит бэрт интэриэһинэй ыйытыыларга дьоһуннаахтык хоруйдаатылар. Билигин эдэр активистар бэйэлэрин бырайыактарынан Тимченко фондатын «Новые искатели», «Росмолодежь», «Движение Первых» бэдэрээлинэй грааннарыгар уонна СӨ Үп министерствотын Оскуолааҕы инициативалаах бюджетирование (ШкИБ) куонкурстарыгар кыттар толору бырааптаннылар. Санатан аастарбыт, быйылгы ШкИБ куонкурсугар Дэбдиргэ уонна Уолба оскуолалара ситиһиилээхтик кыайан, бэйэлэрин бырайыактарын олоххо киллэрбиттэрэ. Оҕолорбут уонна улууспут кэскилин туһугар бары бииргэ сомоҕолоһон үлэлиэҕиҥ. Кэскиллээх ыччаппытыгар саҥа ситиһиилэри баҕарабыт. 📲МАХ|