💠Хадаайы түмэлинэн аргыстаһан хаамсыах…
💠Хадаайы түмэлинэн аргыстаһан хаамсыах… Арай хас биирдии түмэл дьон курдук тус-туспа майгылаах буоллун? Хадаайы түмэлин наҕыл-наскыл, киэҥ-холку, таатталыы уйулҕалаах диэм этэ. Ол тоҕо диэтэргит, киэмсийбэккэ холкутук, сэмэйдик кэрэни кэпсиирин, дириҥ түгэхтээхтик былыргы олоҕу ойуулуурун иһин. Ону тэҥэ айылҕата кэрэтин, салгына ырааһын иһин. Хадаайы үрэҕи кыйа хааман Суорун Омоллоон дьиэтигэр тиийиэххэ диэри улуу дьоммут олорбут дьиэлэрэ, балаҕаннара биирдэ нэлэс гыммакка, хатыҥ чараҥ, талах быыһыттан биир биир эркиннэрэ көстөн, ойууланан кэлэллэр. Биир дьиэттэн атын дьиэҕэ диэри көрбүккүн-истибиккин искэр буһаран, өйгөр хатаан, маанылаах айылҕаны астына көрөн, чэбдик салгынынан дуоһуйа тыынан тиийэҕин. Эйиэхэ аргыс буолан, сэргэстэһэ хааман иһэн түмэл кистэлэҥнэрин аргыыйдык арыйар кэрэхсэбиллээх кэпсээннээх, ыраахтан-чугастан кэлэр ыалдьыттары күннэтэ көрсөр киһи, улуу Суорун Омоллоон төрүттээбит аһаҕас халлаан аннынааҕы “Таатта” литературнай-художественнай музей-заповедникка научнай сотруднигынан үлэлиир Мария Николаевна Туласынова бүгүҥҥү балаһабыт ыалдьыта. Сиһилии: https://xn--80aaa3eca.xn--p1ai/hadaajy-t%d2%afmelinen-argysta%d2%bban-haamsyah/ @taattagazeta @ulusmedia