👫👫🏾👫👫🏽👫🏼👫🏾
👫👫🏾👫👫🏽👫🏼👫🏾 Бу күннэргэ Чөркөөххө оҕолор күһүҥҥү сынньалаҥнарын дьүөрэлээн уонна Норуоттар Сомоҕолоһууларын күнүн көрсө “Биир күн – биир Ийэ сир” тэрээһини норуот Айымньытын дьиэтигэр үс тэрилтэ кыттыһан ыыттыбыт. Болдьообут күн норуот Айымньытын дьиэтигэр араас саастаах 18 оҕо муһунна. Саастарынан көрөн икки хамаанда таҕыста. Оҕолор хамаандаларын "Сулус", "Таатта" диэн ааттаатылар. Күрэхтэһии иннинэ Былатыан Ойуунускай аатынан СӨ судаарыстыбатын музейын специалиһа С.С.Халгаева оҕолорго дойдубутугар бэлиэтэнэр норуоттар Сомоҕолоһууларын күнүн суолтатын кэпсээтэ. Салгыы норуот Айымньытын дьиэтин үлэһиттэрэ А.М.Обоюкина, Т.В.Яковлева, Чөркөөхтөөҕү модельнай библиотека сэбиэдиссэйэ Т.Е.Прохорова алта түһүмэхтээх “Великие просторы России” квест-оонньуулары тэрийдилэр. Оҕолор сүүрэн-көтөн, билиини тургутар викториналарга билиилэрин чочуйан, дойдубут норуоттарын оонньууларыгар кыттан сүүрэн-көтөн көхтөөхтүк оонньоотулар. Түмүккэ билиҥҥи кэм тик-ток үҥкүүлээрин үҥкүүлээн тэрээһин көҕүн үрдэттилэр. Айар үлэ түһүмэҕин - холууп кырыйан, доҕордоһуу кустугун уруһуйдаан боччумуран ыллылар. Тэрээһин түмүгэр оҕолор төгүрүччү олорон олохтоох "Наталья" маҕаһыын күндүлээбит минньигэс аһынан үссэнэн, үөрэн-көтөн тарҕастылар. Түгэнинэн туһанан ньиргиэрдээх музыканан киэргэппит Н.Канаевка, М.Прохоровка махтанабыт👏🏻👏🏻👏🏻 Светлана Халгаева Хаартыскаҕа тэрээһин түгэннэриттэн @taattagazeta