Бэҕэһээ, алтынньы 9 күнүгэр, Сүлэ нэһилиэгэр бэртээхэй субуотунньук ыытылынна.
Бэҕэһээ, алтынньы 9 күнүгэр, Сүлэ нэһилиэгэр бэртээхэй субуотунньук ыытылынна. 🚜Бу манна нэһилиэк эр дьоно олус көхтөөхтүк кытынна. Дьоҕус сынньалаҥ пааркабыт ыраастааһыныгар нэһилиэкпит эр дьоно түмсэн, үлэ-хамнас тигинээн олордо. Субуотунньукка нэһилиэк баһылыга Дмитрий Юрьевич бэйэтэ эмиэ сырытта, олохтоохторун үлэҕэ көҕүлээтэ. «Норуот күүһэ — көмүөл күүһэ» диэн, дьэ, манныгы этэр буоллахтара. Онтон нэһилиэк дьаһалтатын, «Айыы Тайбыт» култуура киинин уонна олохтоох бибилэтиэкэ үлэһиттэрэ көхтөөх үлэттэн туора турбакка, үөрэ-көтө ас астаан, үлэһит эр дьону минньигэс аһынан күндүлээтилэр. Үлэ түмүгэр сынньалаҥ паарка сирэ-уота ыраастанна. Эр дьон бэйэлэрин тиэхиньикэлэринэн паарка хаппыт маһын эрбээтилэр уонна тута тиэйэн истилэр. Маныаха тиэхиньикэлээх дьоммутугар Николай Васильевичка, Юрий Самуиловичка уонна Афанасий Николаевичка барҕа махтал. 🪵Ол курдук уопсайа 15 ыалга — Анал байыаннай дьайыы кыттыылаахтарын дьиэ кэргэттэригэр уонна аҕам саастаах бэтэрээннэргэ оттук маһы бэлэмнээн киллэрэн биэрдилэр. Бэҕэһээ барыта 16 үтүө дьыала оҥоһулунна. Нэһилиэк дьаһалтатын аатыттан бу үтүө санаа тэрээһинигэр кыттыбыт бары дьоммутугар махтал тылларын тириэрдэбит. Биһиги күүспүт –сомоҕолоһууга! ✍Марина Герасимова. Манна эмиэ ааҕыҥ: 👇 https://ok.ru/group/61099005837456/topic/158724294285456 https://vk.ru/wall-211843568_10338 https://t.me/gazetanyurba/46694?single @gazetanyurba @ulusmedia