💥Наадым-биле байыр чедириишкини — 24 июля 2026 г. в 02:45:21.632
💥Наадым-биле байыр чедириишкини 📢Эргим чаңгыс чер чурттугларым, хүндүлүг малчыннар болгаш көдээ ажыл-агыйның хоочуннары! Тыва улустуң эң хүндүлээри болгаш ынак байырлалдарының бирээзи Наадым-биле силерге бүгү сагыш-сеткилимден байырны чедирип тур мен. Наадым – үе-дүптен чаңчыл ёзугаар чүгле байырлал эвес. Оларның шудургу болгаш туруштуг чоруунуң ачызында чүс-чүс чылдар дургузунда Тыва быжыгып, хөгжүп келген күш-ажылдың кижилеринге хүндүткелдиң сүлдези-дир. Чогум-на силер өгбелеривистиң малчын ажылынга, амыдырал-чуртталгазынга шынчы болуп артып, бистиң республикавыстың аъш-чемге хереглелин хандырып, экономиктиг хөгжүлдезин амгы үеде магадылап турар силер. Өгбелеривистиң ''хойлуг кижи – каас, инектиг кижи — тодуг'' деп мерген үлегер домаанда ышкаш, силер бүгүдениң кызымаккай ажыл-ижиңерниң ачызында төрээн Тывавыс тос чүзүн малывысты кадагалап, улам хөгжүп турар. Ынчангаш тыва чон малчыннарга чоргаарланыр, хүндүлээр. Төрээн чериңерге шынчыңар, тургузукчу берге ажылыңар болгаш аныяк салгалга бодуңарның арга-дуржулгаңарны дамчыдып чорууруңар дээш, Силерге өөрүп четтирдим. Байырлал-биле, эргим чонум, Наадым-биле! Тыва Республиканың Баштыңы Владислав ХОВАЛЫГ. “Шын” №28 2026 чылдың июль 23