Бай-Тайга кожууннуң чурттакчы чонунуң өмүнээзинден болгаш кожуун удуртулгазының мурнунд...
Бай-Тайга кожууннуң чурттакчы чонунуң өмүнээзинден болгаш кожуун удуртулгазының мурнундан күш-ажылдың хоочуну, Тыва республиканың алдарлыг ажылдакчызы, Бай-Тайга кожууннуң Хүндүлүг хамаатызы, көскү күрүне ажылдакчызы Ооржак Николай Көк-ооловичиниң чырык өртемчейден кезээ мөңгеде чарлып чорупканы-биле ооң өг-бүлезинге, ажы-төлүнге база чоок кижилеринге ханы кажыыдалывысты илеретпишаан, эгиттинмес чидиригни үлежип тур бис. Ооржак Николай Көк-оолович 1949 чылдың март 1-де Бай-Тайга кожууннуң Шуй сумузунга төрүттүнген. Шериг албанын эрттирген соонда, кожууннуң комсомол райкомунга чолаачылап күш-ажылчы намдарын эгелээн, улаштыр Омск хоорайның совет-партия школазын доозуп алгаш, төрээн кожуунунга бүгү назынында удуртур ажылдарга ажылдап чораан. Кара-Хөл сумузунга партком секретары, Бай-Тайга Райкүүском комитединиң оралакчы даргазы, Кара-Хөл совхозтуң директору, кожууннуң казначейство чериниң бирги тургузукчузу болгаш удуртукчузу. Тываның бирги Президентизиниң Бай-Тайга кожуунга бүрүн эргелиг төлээзи кылдыр шилиттингеш, хөй чылдар иштинде ол албан-дужаалга үре -түңнелдиг ажылдаан. .Тываның Убса-Нур ыйгылаажының Шуй девискээринде парк-заповедниктиң бирги тургузукчузу болгаш удуртукчузу. “Ынакшыл болгаш шынчы чорук»-деп Российжи хөрек демдээниң эдилекчизи. Үре-түңнелдиг ажыл-ижи дээш хөй шаңнал-макталдарның ээзи. Ооң дугайында чырыткылыг тураскаал чангыс чер-чурттугларының база ону билир, кады ажылдап чораан кижилерниң чүректеринге кезээде артар. Бай-Тайга кожууннуң Баштыңы, төлээлекчилер хуралының даргазы Роберт Аракчаа болгаш кожууннуң Чагырга даргазы Чингис Салчак.