💥«Улуг этнографтыг диктантыга» киржиңер
💥«Улуг этнографтыг диктантыга» киржиңер 📢Россияның Националдар херектериниң федералдыг агентилели 2026 чылдың ноябрь 3-тен 12-ге чедир партнёрлары-биле кады «Улуг этнографтыг диктант» деп XI делегей чергелиг чырыдыышкын акциязын эрттирер. Акция бүгү-российжи хамааты бот-тускайлаңны быжыглаарынче, чаңчылчаан российжи сүлде-сүзүк болгаш мөзү-шынар үнелиг чүүлдерин нептередиринче, төөгүнү өскертир дээн оралдажыышкыннар-биле демиселче угланган. «Улуг этнографтыг диктант» — Россияның болгаш даштыкы чурттарның чурттакчыларынга бистиң чуртувуста чурттап чоруур чоннарның ёзу-чаңчылдарының, дылдарының, төөгүзүнүң, культуразының дугайында билиглерин хынаар онзагай арга болур. Акция чаңчыл ёзугаар, ийи хевирге эртер: - боду киржир – Россия Федерациязының субъектилеринде, даштыкыда Российжи бажыңнарда база Россияның Даштыкы херектер яамызының даштыкыда албан черлеринде шөлчүгештерни организастап, акцияны делегейде калбарткан. Ийи муң ажыг офлайн шөлдер, оларның аразында бүгү чуртта 250 ажыг онзагай хөй-ниити шөлдер бүрүткеттинген; - онлайн — географтыг туружу хамаанчокка, диктантыны кижи бүрүзү киржир аргалыг болзун дээш, Акцияның албан ёзузунуң курлавырларынга бижиир. 2026 чылдың декабрь 12-де, РФ-тиң Конституция хүнүнде, акцияның түңнелдерин чаңчыл ёзугаар чарлаар. Акцияның дугайында тодаргай медээлерни, ооң иштинде сайтыларга бүрүткедирин болгаш онлайн хевирге киржирин, Акцияның албан ёзузунуң сайтыларындан көрүп болур: xn--h1aheeim0f.xn--p1ai/ / Бистиң корр. Чурукту ТР-ниң Чазааның парлалга албанындан алган. “Шын” № 39 2026 чылдың октябрь 8