Тыва Республикага 2026 чылдың август 17-ден 20-ге чедир IV делегей чергелиг Буддийжи шу...
Тыва Республикага 2026 чылдың август 17-ден 20-ге чедир IV делегей чергелиг Буддийжи шуулган болуп эртер. 2026 чылдың август 20-де IV делегей чергелиг буддийжи шуулганның киржикчилери Чаа-Хөл кожууннуң Сүме дааның (Бурган-Даа) хаязында сиилбип кылган Будда Амитабханың чаа овур-хевирин көрүп аалдап келир. IV-кү делегей чергелиг Буддийжи форум Чаа-Хөл кожууннуң чурттакчы бүрүзүнге Сүме дааның каас-чараш эдээнде турар ыдыктыг черивистиң хөгжүлдезинге болгаш чаагайжыдылгазынга үлүг-хуузун киирер онзагай арганы берип турар. Культурлуг харылзааларны быжыглаар болгаш сүлде-сүзүк сайзыралын деткиир сорулгалыг, бо чугула болуушкун эп-найыралдыг болгаш байырлыг байдалды тургузарынга чонувустуң ниити күжениишкини негтинип турар. Белеткел ажылын чедиишкинниг доозуп, шуулганны эрттирер дизе, элээн кааш угланыышкыннар талазы-биле чондан дуза херек. ✅ Бир дугаарында, тудуг материалдары херек, ылаңгыя буддийжи культураның демдээ болур кызыл, сарыг, көк, ногаан болгаш ак өңнерлиг дозулар. ✅ Пөстер база чугула: ак, кызыл, көк, сарыг болгаш ногаан өңнерлиг. Оларны ыдыктыг черлерни каастаарынга болгаш байырлыг байдалды тургузарынга ажыглаар. ✅ Оон ыңай, түр када тудуглар тударынга болгаш бар тудугларны катап быжыглап, чаагайжыдып тургузарынга херек хирээлээн манза ыяштар, ол ышкаш бар чүүлдерни солуп чаартырынга ажыглаар ангы-ангы хемчээлдерлиг демир профильдер кол хереглетинип турар. ❗ Чаа-Хөл кожууннуң чагыргазы шупту чаңгыс чер чурттугларывысты, ангы-ангы чылдарның доозукчуларын болгаш сайгарлыкчы чонувусту кандыг-даа арга-биле дузаны көргүзерин улуг идегел-биле кыйгырып тур бис! Силерниң сагыш-сеткилден киирген үлүг-хууңар, акша-хөреңги деткимчези-биле, волонтер ажыл-биле азы херек херекселдер-биле-даа болза дузаңар кожуунувустуң сайзыралынга үнелеп четпес улуг буян болуру чигзиниг чок. Бистиң кады кылыр ажылывыс буддийжи чаңчылдың өндүр улуг чоруунга төлептиг болуру болгаш кожуунувустуң аалчыларының сүлде-сүзүүнүң өзүлдезинге таарымчалыг шөлдү тургузуп болуру улуг бүзүрелде. 👍 ДЕМНИГ СААСКАН ТЕВЕ ТУДУП ЧИИР!!!