“Куоҕалы” ТОС «Эрилик», «Буойуна» түөлбэтигэр норуот көҕүлээһининэн уу ситимэ үлэлээтэ — 10 июня 2026 г. в 11:28:58.492
“Куоҕалы” ТОС «Эрилик», «Буойуна» түөлбэтигэр норуот көҕүлээһининэн уу ситимэ үлэлээтэ 💦Бүгүн, бэс ыйын 10 күнүгэр Чурапчы нэһилиэгэр “Куоҕалы” ТОС «Эрилик», "Буойуна" түөлбэлэрин Аартык, Д. Диринского, Ноговицына, Строителей, Октябрьская , Западная, пер. Западная, Орджоникидзе уулуссаларга сайыҥҥы уу ситимэ үлэҕэ киирдэ. ✅Чурапчы нэһилиэгин баһылыга Владимир Сивцев иһитиннэрбитинэн, “Олохтоох көҕүлээһиннэри өйүүр бырагыраамма” чэрчитинэн 89 ыалга уу ситимэ тиийдэ. Тэрийээччилэр Дмитрий Диринскэй аатынан уулусса 14 нүөмэрдээх дьиэ тиэргэнигэр Норуот көҕүлээһинин бырагырааматын чэрчитинэн сайыҥҥы уу ситимин киллэрэр үөрүүлээх тэрээһин сиэрин-туомун ыыттыбыт. ✅Сайыҥҥы уу ситимигэр өрөспүүбүлүкэ бүддьүөттүттэн 2 млн. солк. субсидия көрүлүннэ. Маны таһынан, норуот көҕүлээһинин быраагыраматын куонкуруһун ирдэбилинэн олохтоох бүддьүөттэн эбии үп 300 тыһ.солк. угуллунна, олохтоохтортон 360 тыһ.солк. ✅Инньэ гынан өрөспүүбүлүкэтээҕи куонкуруска урбаанньыт Руслан Хоютанов кыайыылаах тахсан 4,15 км. уһуннаах уу турбатын монтажтаан, олохтоохтор биир тыын боппуруостарын быһаарда. Үлэ уопсай сууммата 2 мөлүйүөн 660 тыһыынча солкуобай сууммаҕа тэҥнэстэ. ✅Уу ситимин үөрүүлээх арыллыытыгар “Чурапчы нэһилиэгин” ТСТ баһылыга Владимир Сивцев, Чурапчы нэһилиэгин Сэбиэтин депутата Петр Гуляев, бэдэрээччит Руслан Хоютанов, “Куоҕалы ” ТОС бэрэссэдээтэлэ Федора Седалищева, «Эрилик» түөлбэ салайааччыта Екатерина Макарова, "Буойуна" түөлбэ салайааччыта Татьяна Кузьмина, түөлбэ олохтоохторо оҕотуттан кырдьаҕаһыгар тиийэ кыттыыны ыллылар. ✅Сайыҥҥы уу ситимэ тардыллан, хас биирдии ыал, дьиэ кэргэттэр уунан хааччыллар кыахтаннылар. Сайын устата өлгөм оҕуруот аһын, үүнээйини дэлэччи олордоллоругар, дьиэ-уот ирдэбилигэр, хаһаайыстыбаҕа туһанарга уу ситимэ тардыллыбыта саамай туһалаах буолуо диэн олохтоохтор үөрүүлэрэ улахан. #ППМИ #водопровод #благоустройство #развитиеинфраструктуры #сельскийводопровод #улучшениеусловийжизни «Чурапчы нэһилиэгэ" ТСТ дьаһалтата 10.06.2026 с.