Бүгүн Саха сиригэр бойобуой дьайыы бэтэрээннэрин ахтан-санаан ааһар уонна чиэстиир күн... — 1 июля 2026 г. в 02:03:52.615
Бүгүн Саха сиригэр бойобуой дьайыы бэтэрээннэрин ахтан-санаан ааһар уонна чиэстиир күн буолар. Кыайыы скверигэр Афганистаҥҥа, Чечняҕа, Севернай Осетияҕа, Украинаҕа уоттаах сэрииттэн кэлбит бойобуой дьайыы бэтэрээннэригэр анаммыт пааматынньыкка мустан, үгэскэ киллэрэн саллааттары ахтан-санаан аастылар, сүгүрүйдүлэр. Улуус баһылыгын солбуйааччыта, дьаһалта аппаратын салайааччыта Алексей Лобанов, дьокутааттар Сэбиэттэрин бэрэссэдээтэлэ Яков Оконешников, Чурапчы нэһилиэгин баһылыгын солбуйааччыта Варвара Макарова, Россия сэбилэниилээх күүстэрин отставкаҕа сылдьар майора Семен Никитин, киин балыыһа клинико – диагностическай киинин сэбиэдиссэйэ Любовь Григорьева уонна бойобуой дьайыы бэтэрээннэрин түмсүүтүн салайааччыта Семен Жендринскэй тыл эттилэр, наҕараадалары туттардылар.