От ыйын 4-5 күннэригэр Кэбээйи сиригэр-уотугар XIX өрөспүүбүлүкэтээҕи Олоҥхо ыһыаҕа үрд... — 8 июля 2026 г. в 11:25:19.449
От ыйын 4-5 күннэригэр Кэбээйи сиригэр-уотугар XIX өрөспүүбүлүкэтээҕи Олоҥхо ыһыаҕа үрдүк таһымҥа ыытылынна. Биһиги улууспутуттан 80-ча киһилээх дэлэгээссийэ тиийэн кытынна. Дэлэгээссийэни солбуйааччым Мария Кронникова салайда. Биһиги дэлэгээссийэбитин Сидор Дьяконов баһылыктаах Тыайа нэһилиэгин дьоно-сэргэтэ көрүстэ. "Холумтан" нэһилиэк дьахталларын түмсүүтэ уонна эр дьоно ытыс үрдүгэр илдьэ сырыттылар. Түөрт күн устата түһүлгэҕэ хоннорон, күнүстэри-түүннэри ас астаан, минньигэс аһынан тото-хана аһаттылар. Олохтоохтор эрдэттэн бэлэмнэммиттэр. Булчуттар куһу хомуйбуттар, эмис собону балыктаабыттар, анаан идэһэ туттубуттар. Маны таһынан хас биирдии ыалдьыкка өйдөбүнньүк бэлэхтэри оҥорбуттар, култуурунай бырагырааманы бэлэмнээбиттэр. Бу барыта түмсүүлээх үлэттэн тахсарын бэлиэтээн туран, тус бэйэм уонна улууһум олохтоохторун ааттарыттан Тыайа нэһилиэгин бар дьонугар, баһылык Сидор Дьяконовка, «Түмсүү” култуура киинин дириэктэригэр Иван Гуляевка, олохтоох Түмэл сэбиэдиссэйигэр Екатерина Архиповаҕа дириҥ махталбын тиэрдэбин. Улахан дьаһалы тэрийии үгүс сыраны, үлэни эрэйэр. Эһиги нэһилиэк түмсүүлээх, үлэһит үтүөтэ буолаҥҥыт, маны барытын кыайа-хото туттугут диэн этэбин. Инникитин да бэйэ-бэйэбитин кытта билсэ-көрсө, өйөһө, бииргэ үлэлэһэ туруоҕуҥ ! Хас биирдиигитигэр уйгулаах олоҕу, чэгиэн доруобуйаны, үрдүк ситиһиилэри баҕарабын.