Ытыктабыллаах Дмитрий Дмитриевич Садовниковы Дьокуускай куорат муниципальнай уокуругун ... — 20 июля 2026 г. в 11:20:42.821
Ытыктабыллаах Дмитрий Дмитриевич Садовниковы Дьокуускай куорат муниципальнай уокуругун Аҕа баһылыгынан өрөспүүбүлүкэ саҥа сокуонугар сөп түбэһиннэрэн талыллыбыккынан истиҥник эҕэрдэлиибин! Улахан эппиэтинэстээх саҥа үлэҕэр киин куораппыт чэлгийэ сайдыытыгар, нэһилиэнньэ олоҕор табыгастаах усулуобуйаны тэрийиигэ ситиһиилэри, чэгиэн туругу, этэҥҥэ буолууну баҕарабын! СӨ Бырабыыталыстыбатын Бэрэссэдээтэлин бастакы солбуйааччы дуоһунаһыгар үлэлиир кэмнэргэр Чурапчы улууһа социальнай эбийиэктэри, олорор дьиэни, хочуолунайдары, ититии ситимин тутуутугар, суоллары саҥардыыга, хаарбах уонна саахалланар дьиэттэн дьону көһөрүүгэ, гаастааһыны салгыы ыытыыга уонна онтон да атын нэһилиэнньэ олоҕун чэпчэтиигэ туһаайыллыбыт дьаһаллары олоххо киллэриигэ, туруорсар үлэлэригэр сүҥкэн өйөбүлүҥ иһин улуус салалтатын уонна бар дьонун аатыттан барҕа махталбын тиэрдэбин, Дьокуускай куорат ирбэт тоҥноох сиргэ турар аан дойдуга соҕотох куорат быһыытынан ураты, уустук усулуобуйаҕа сайдар кэскилин олоххо киллэриигэр ситиһиилэри баҕарабын!