От ыйын үһүс субуотата бука бары тапталлаах өрүспүт - Амма күнэ. — 17 июля 2026 г. в 22:10:30.500
От ыйын үһүс субуотата бука бары тапталлаах өрүспүт - Амма күнэ. Бу күнү Николай Архипов улуус баһылыгынан талыллан баран, 2018 сыллаахха от ыйын 9 күнүгэр таһаарбыт уурааҕынан олохтообута. Быйыл Амма өрүс күнүн от ыйын 18 күнүгэр бэлиэтиэхпит. Амма - Саха сирин биир саамай ыраас, сылаас уулаах, кэрэттэн кэрэ өрүһэ. Үйэлэргэ сири-уоту угуттуу, долгуһуйа уста турарын инниттэн харыстыыр сыаллаах ыытыллар Амма өрүс күнэ бу анаан-минээн бэлиэтэнэр Өлүөнэ уонна Бүлүү өрүстэр күннэрин сэргэ ыытыллар биир дьоһун бырааһынньык. Бу күн сарсыардаттан өрүс кытыытыгар олорор нэһилиэктэр олохтоохторо экологическай субуотунньуктарга тахсыылара, өрүс кытылын ыраастааһыннара үтүө үгэскэ кубулуйбута кэрэхсэбиллээх. Маннык дьоһун үгэстэр, бырайыактар кэҥии, сайда турдуннар. Амма эбэбит барахсан сылааһынан угуттуур, ыраас, дьэҥкир уута, үүнүүлээх күөх солко хочолоро бэйэтин быйаҥыттан бар дьоммутугар дэлэйдик бэрсэн, бэлэхтии, барыбытын үөрдэ турдуннар!