Убаастабыллаах учууталлары, педагогическай үлэ бэтэрээннэрин, үөрэх эйгэтин бары үлэһит...
Убаастабыллаах учууталлары, педагогическай үлэ бэтэрээннэрин, үөрэх эйгэтин бары үлэһиттэрин улуус салалтатын итиэннэ тус бэйэм ааппыттан идэлээх бырааһынньыккытынан, Учуутал күнүнэн итиитик, истиҥник эҕэрдэлиибин! Бүгүн биһиги хас биирдиибит олоҕор суолталаах, өйгө-сүрэххэ өрүү күндү учууталларбытыгар махтал тылларын анаан, чиэстиибит, бочуоттуубут. Эһиги, учууталлар, билиигэ сирдээччи, аҕа настаабынньык, үтүө доҕор буолаҥҥыт, оҕо хайа баҕарар эйгэҕэ күрэстэһэр кыахтаах, киэҥ толкуйдаах, сөптөөх быһаарыыны сатаан тобулан ылынар уонна эппиэтинэстээх киһи буола үүнэригэр, олоххо миэстэтин буларыгар көмөлөһөр үрдүк аналлааххыт. Билиҥҥи уустук быһыы-майгы кэмигэр биһиги бука бары оҕону киһи быһыытынан бигэ тирэхтээх, ону сэргэ дойдуга бэриниилээх буолуу тыыныгар иитиигэ-уһуйууга хаһааҥҥытааҕар да күүстээх болҕомтону ууран үлэлиирбитигэр учуутал оруола тугунан да да кэмнэммэт сүҥкэн суолталаах. Биһиги улууспутугар үөрэх эйгэтигэр үчүгэй усулуобуйаны тэрийиигэ туһаайан саҥа тутуулары үлэҕэ киллэрии, үрдүк бэлэмнээх каадырынан хааччыйыы, үөрэхтээһин материальнай-тэхиньиичэскэй уонна мэтэдиичэскэй баазатын саҥардыы, оҕону идэҕэ туһаайыыга көмөлөөх өйүүр дьаһаллары ылыныы, ону сэргэ учуутал социальнай статуһун үрдэтии, дьиэнэн-уотунан хааччыйыы курдук үлэлэр утумнаахтык ыытыллаллар. Чурапчы улууһун учууталлара үөрэхтээһин, иитии эйгэтигэр араас ситиһиилэринэн, кыайыыларынан дойду тас өттүгэр тиийэ өрүү инники күөҥҥэ сылдьалларынан бука бары киэн туттабыт! Улахан махталбын педагогическай үлэ бэтэрээннэригэр тиэрдэбин. Эһиги баай уопуккут, настаабынньык быһыытынан сүбэҕит-амаҕыт эдэр учууталларга оҕо аймаҕы иитиигэ-үөрэтиигэ улахан көмөнөн уонна сүрүн тирэҕинэн буолар. Бука барыгытыгар кытаанах доруобуйаны, айымньылаах үлэттэн дуоһуйууну, тус бэйэҕитигэр уонна үөрэнээччилэргитигэр үрдүк ситиһиилэри, этэҥҥэ буолууну баҕарабын!