Бэҕэһээ биир дойдулаахпыт, Саха сирин бочуоттаах маастара, хапсаҕайга Саха сирин биэс т...
Бэҕэһээ биир дойдулаахпыт, Саха сирин бочуоттаах маастара, хапсаҕайга Саха сирин биэс төгүллээх, "Манчаары оонньууларын" икки төгүллээх чөмпүйүөнэ Айаал Романович Павлов Иордания Амман куоратыгар аҕам саастаах бэтэрээн бөҕөстөр ортолоругар ыытыллыбыт аан дойду чөмпүйэнээтигэр үрүҥ көмүс мэтээли ылла! Айаал Романович бу аан дойду чөмпүйэнээтигэр үрүҥ көмүс мэтээли ылыыта - саамай тыйыс айылҕалаах сиргэ олорор саха норуота аан дойду үрдүнэн саамай сымса, күүстээх-уохтаах, ис кыаҕа муҥура суох норуот буоларын чаҕылхайдык көрдөрдө уонна сөхтөрдө. Биир дойдулаахпытыгар бу үрдүк өрөгөйдөөх кыайыытынан улуус салалтатын уонна тус бэйэм ааппыттан эҕэрдэлээн туран, инники өттүгэр маннык ситиһиилэр кэлэ туралларыгар, уҕараабат дьулууру, спортка уостубат тапталы, чэгиэн, чиргэл туругу баҕарабын!