Бүгүн Дьокуускай куорат Аҕа баһылыга Дмитрий Дмитриевич Садовников 55 сааһын туолар дьо...
Бүгүн Дьокуускай куорат Аҕа баһылыга Дмитрий Дмитриевич Садовников 55 сааһын туолар дьоллоох дьоро күнүнэн истиҥник эҕэрдэлээн туран, Дмитрий Дмитриевичка өрөспүүбүлүкэ киин куоратын сайдыытыгар, нэһилиэнньэ бигэ туруктаах олоҕун түстүүр киэҥ далааһыннаах үлэҕэр ситиһиилэри, тиит мастыы чэгиэн, чиргэл туругу, тус олоххор этэҥҥэ буолууну баҕарабын! Дмитрий Дмитриевич кэккэ сыллар усталарыгар биһиги Чурапчыбыт улууһугар социальнай эбийиэктэри, олорор дьиэни, хочуолунайдары, ититии ситимин тутууларыгар, суоллары саҥардыыга, хаарбах уонна саахалланар дьиэттэн дьону көһөрүүгэ, гаастааһыны салгыы ыытыыга уонна онтон да атын нэһилиэнньэ олоҕун чэпчэтиигэ туһаайыллыбыт дьаһаллары олоххо киллэриигэ сүҥкэн өйөбүлүн иһин улуус салалтата уонна бар дьоно улахан махталлаах. Инникитин даҕаны Дьокуускай куорат уонна Чурапчы улууһа үгүс хайысхаларынан бииргэ үлэлээһиннэрин сайыннарыыга Дмитрий Дмитриевич өйөбүлэ, айымньылаах сыһыана, күүстээх көмөтө өрүү баар буолуоҕар биһиги, чурапчылар, бигэ эрэллээхпит! Дьокуускай куорат тэриллибитэ 400 сылын бэлиэтиир үрдүк өрөгөйдөөх үбүлүөйүгэр эрдэттэн бэлэмнэнии сүүнэ бырайыактарын олоххо киллэриигэр сүктэриллибит үрдүк итэҕэли чиэстээхтик толоруугар, киин куораппыт тупса, киэркэйэ, чэчирии, сайда турарыгар үгүс үтүө ситиһиилэри баҕарабын!