«Намкоммунтеплоэнерго» акционернай обществоны генеральнай директор Игнатьев Николай Вас... — 25 июня 2026 г. в 08:13:51.637
«Намкоммунтеплоэнерго» акционернай обществоны генеральнай директор Игнатьев Николай Васильевич 2008 сылтан салайар. Тэрилтэҕэ барыта 330–340 кэриҥэ киһи үлэлиир-хамныыр. Тэрилтэ производственнай базата Нам улууһун нэһилиэктэригэр баар 14 эксплуатационнай учаастактан турар. Тэрилтэ котельнайдар көмөлөрүнэн нэһилиэнньэҕэ итиини биэрэр уонна дьиэлэри ититэр. Итини таһынан кирдээх ууну таһаарар (водоотведение), тымныы уунан хааччыйар (водоснабжение), ону тэҥэ сорох элбэх квартиралаах олорор дьиэлэри ОДьКХ өттүнэн салайар. «Намкоммунтеплоэнерго» АО Нам улууһун сиригэр-уотугар нэһилиэнньэни сылааһынан хааччыйар соҕотох мэктиэлээх поставщик буолар. Коммунальнай инфраструктура объектара улуус администрациятын кытта 2030 сылга диэри түһэрсиллибит уһун кэмнээх концессионнай сөбүлэһии чэрчитинэн туһаныллаллар. "Нам улууһа” МО пресс-сулууспата