✅Ону тэҥэ, «Мобильный избиратель» системанан атын сиргэ сылдьан куоластыырга эрдэ сайаа... — 7 сентября 2026 г. в 08:43:39.769
✅Ону тэҥэ, «Мобильный избиратель» системанан атын сиргэ сылдьан куоластыырга эрдэ сайаапка биэрбит дьон талбыт учаастактарыгар быыбардыахтара. ✅Дьиэ кэргэн уонна ыччат политикатын отделын начальнига Екатерина Евстафьева иһитиннэрбитинэн, балаҕан ыйын 25-26 күннэригэр Дьокуускай куоракка Саха сирин уһулуччулаах государственнай уонна политическай деятелэ Илья Егорович Винокуров төрөөбүтэ 130 сылыгар аналлаах республиканскай ыччат «Винокуровскай форума» ыытыллыаҕа. Балаҕан ыйын 4 күнүнээҕи туругунан, республика 8 улууһун ыччата форумҥа кыттарын биллэрэн заявка биэрбит. ✅Нуучча хаһаахтара Саха сиригэр бастакы Ленскэй остуруогу (билигин Дьокуускай куоратын) Нам улууһун сиригэр-уотугар туппуттарын салгыы дириҥэтэн үөрэтэр сыаллаах, 3 киһилээх чинчийэр бөлөх Санкт-Петербургтааҕы РНА историятын институтун архыыбыгар үлэлиэҕэ. Кинилэр онно харалла сытар Саха сирин XVII–XVIII үйэлэрдээҕи саамай былыргы — «Якутская воеводская (приказная) изба» фонда дьиҥнээх докумуоннарын үөрэтиэхтэрэ. Бөлөх айанныыра балаҕан ыйын бүтэһигэр эбэтэр алтынньы ый саҥатыгар былааннанар. ✅Баһаартан сэрэхтээх буолуу сезон болдьоҕо бүтэ илигинэн, уот турар кутталла баарынан сибээстээн сир аһын астааччылар, булчуттар, айылҕаҕа сынньанааччылар тыаҕа уоттан сэрэхтээх буолуу быраабылаларын кытаанахтык тутуһаллара ирдэниллэр. Дьиэҕэ – уокка, ойуурга уоттан сэрэхтээх буолууга тустаах үлэһиттэр былааннаах үлэни ыыталлар. "Нам улууһа" МО пресс-сулууспата