История наукатын доктора, профессор Алексей Сиренов улуус баһылыга Юрий Слепцову, олохт... — 24 июня 2026 г. в 07:48:48.614
История наукатын доктора, профессор Алексей Сиренов улуус баһылыга Юрий Слепцову, олохтоох дьаһалта салалтатын, П.И. Сивцев аатынан Намнааҕы история уонна этнография музейын үлэһиттэрин, кыраайы үөрэтээччилэри, чинчийээччилэри, историктары уонна тимир уустарын кытта көрүстэ. Алексей Владимирович Нам улууһугар кэлбит сүрүн сыалынан — бэйэтэ салайар Санкт-Петербургтааҕы история институтун архыыбыгар харалла сытар Саха сирин XVII–XVIII үйэтээҕи саамай былыргы, «Якутская воеводская (приказная) изба» диэн ааттаах дьиҥнээх суругунан докумуоннары улуус салалтатыгар, кыраайы үөрэтээччилэригэр, чинчийээччилэригэр уонна киэҥ араҥаҕа билиһиннэрии буолар. Бу тэрээһин чэрчитинэн, кини тэрээһин кыттыылаахтарыгар Саха сирин историятын саамай улахан научнай суолталаах кэрэһитэ — былыргы фонда хайдах быыһанан Санкт-Петербург куоракка тиийбитин туһунан сиһилии сырдатта.⤵️