Бүгүн, от ыйын 2 күнүгэр, улуус баһылыга Юрий Слепцов Н.С. Охлопков аатынан улуустааҕ... — 2 июля 2026 г. в 12:17:05.566
Бүгүн, от ыйын 2 күнүгэр, улуус баһылыга Юрий Слепцов Н.С. Охлопков аатынан улуустааҕы гимназия быйылгы выпускниктарыгар, «Менеджер-Проф» бырайыак кыттыылаахтарыгар, анал кылааһы бүтэрбиттэрин туһунан туоһу суруктары үөрүүлээх быһыыга-майгыга туттарда. Санатан этэр буоллахха, 2022 сыллаахха улуус баһылыга Юрий Слепцов көҕүлээһининэн, бу үөрэх кыһатыгар салайар идэҕэ хайысхалыыр «Менеджер-Проф» диэн иккис экспериментальнай кылаас аһыллыбыта. Педколлективка салайар үлэҕэ каадыры үүннэриини оскуолаттан саҕалыырга, онуоха эрдэттэн былааннаахтык ылсан бырагыраама оҥорон тиһиктээхтик үлэлэһэргэ сыал-сорук туруоруллубута. Оҕолор сүрүн үөрэх кэнниттэн эбии дьарыктарга үөрэннилэр. Лидер хаачыстыбатын сайыннарыыга, салайар үөрүйэҕи, дьоҕуру иҥэриигэ такайылыннылар. Ону сэргэ, нэһилиэктэриттэн саҕалаан устуоруйаны үөрэтэн, билиилэрин-көрүүлэрин хаҥаттылар. Английскай тылы дириҥэтэн үөрэттилэр, араатардыыр искусствоҕа дьарыктаннылар. Ярославль куораттааҕы Н.П. Пастухов аатынан промышленнай менеджмент академиятын кытта дуогабар түһэрсиллэн, оҕолор дириҥэтэр үөрэхтээһини ситиһиилээхтик аастылар. Бүгүн бырайыак кыттыылаахтара улуус баһылыгар ханнык үөрэххэ киирээри сылдьалларын иһитиннэрдилэр, аҕалыы кыһамньытын иһин махталларын тиэртилэр, ханна да сырытталлар төрөөбүт Намнарын улууһун аатын өрүүтүн үрдүктүк Бу бэлиэ күҥҥэ Юрий Иннокентьевич «Менеджер-Проф» кылаас 2 чулуу выпускнигар – Борис Лугиновка уонна Кирилл Павловка - 50 тыһ. солк. суумалаах бириэмийэлэри туттарда. Түмүккэ улуус баһылыга Юрий Слепцов оҕолор үөрэнэн, идэ ылан төрөөбүт Намнарын улууһугар төннөн кэлэн салайааччынан үлэлиэхтэрэ, дойдуларын сайыннарыахтара диэн эрэлин биллэрдэ, алгыс тылларын анаата. Бырайыак ситиһиилээхтик түмүктэммитинэн эҕэрдэтин тиэртэ, оҕолор, гимназия салайааччыларын санааларын иһиттэ. Улуус дьаһалтата уонна гимназия салалтата кэлэр үөрэх дьылыгар өссө биир "Менеджер-Проф" кылааһы аһар баҕалаахтарын биллэрдилэр. "Нам улууһа” МО пресс-сулууспата сылдьыахпыт диэн тылларын тиэртилэр.